تەواو؛ چارەنووسی جەیدن سانچۆ لە چێڵسی یەکلایی بووەوە
لەگەڵ چێلسی لەبارەی مانەوەی لە یانەکە نەگەیشتە رێککەوتن
یاریگا –
چارەنووسی جەیدن سانچۆ یەکلایی دەبێتەوە و ئەو یاریزانە ئینگلیزە ریزەکانی چێڵسی بەجێدەهێڵێت و دەگەڕێتەوە مانچێستەر یونایتد.
دەیڤد ئۆرنشتاین رۆژنامەنووسی ئینگلیزی لە تۆڕی وەرزشی ئاتلەتیک ئاشکرایکردووە، جەیدن سانچۆ ماوەی خواستنەکەی لە چێڵسی درێژ ناکرێتەوە و دەگەڕێتەوە ریزەکانی مانچێستەر یونایتد، کە ئەو ناوەڕاستکارە 25 ساڵانە بە خواستن بەرامبەر 5 ملیۆن پاوەند پەیوەندی بە ریزەکانی بلووز کردبوو.
🚨 EXCL: Jadon Sancho leaving Chelsea when contract ends June 30 after agreement could not be reached over personal terms for loan to turn permanent. #CFC will pay £5m penalty to #MUFC. 25yo to explore options in England/Europe for next move @TheAthleticFC https://t.co/Mv1cCbB56a
— David Ornstein (@David_Ornstein) June 3, 2025
جەیدن سانچۆ لەگەڵ چێڵسی بەشداریی مۆندیالی یانەکان ناکات و لەم هەفتەیە ریزەکانی بلووز بەجێدەهێڵێت، کە ئەو یاریزانە 25 ساڵانە ئێستا لە بۆرسەی یاریزانان بەهایەکەی 28 ملیۆن یۆرۆیە.
سانچۆ تاوەکو هاوینی 2026 گرێبەستی لەگەڵ مانچێستەر یونایتد هەیە و ئەم هاوینە لە بازاڕی گواستنەوەی یاریزانان بەردەست دەبێت بۆ ئەوەی بچێتە ریزەکانی یانەیەکی دیکە، کە ئەم وەرزە لەگەڵ بلووز لە 42 یاری 5 گۆڵ و 10 ئەسیستی کرد و نازناوی کۆنفرانس لیگی بۆ یانەکە بردەوە، کە سانچۆ لە یاریی کۆتایی 29 خولەک بەشداریی کرد و گۆڵێکی کرد.
