تەواو؛ مانچێستەر سیتی گرێبەستێکی دیکەی یەکلاییکردەوە
هەموو شتێک کۆتایی هاتووە..
یاریگا –
مانچێستەر سیتی خۆی یەکلاییکردووەتەوە و خەریکی گواستنەوەی بەرگریکارێکی پرێمەرلیگە.
تۆڕی ئاتلێتیک بڵاویکردووەتەوە، مانچێستەر سیتی و رەیان ئایەت نوری و وۆڵڤز رێککەوتووە و پێشبینی دەکرێت لە ماوەیەکی نزیکدا گواستنەوەکە تەواو بکرێت.
ئایەت نورری پاش بەڕێکردنی چوار وەرزی سەرکەوتوو لەگەڵ وۆڵڤز، بووە بژاردەیەکی سەرەکی مانچێستەر سیتی بۆ بەرگری باڵی چەپی تیپەکە.
🚨 Manchester City pursuing deal to sign Rayan Ait Nouri from Wolverhampton Wanderers. Agreements still need to be reached with #WWFC & Algeria international – but all parties now expect move to happen. 23yo #MCFC’s main target for left-back @TheAthleticFC https://t.co/Wu0DJEMOKk
— David Ornstein (@David_Ornstein) June 2, 2025
مانچێستەر سیتی لەم وەرزە بەناچاری لە باڵی چەپ پشتی بە یوشکۆ ڤاردیۆل دەبەست کە خۆی یاریزانی دڵی بەرگرییە، لە کۆتا مانگەکانی وەرزەکەش نیکۆ ئۆ رایەلی لاو گواردیۆلای سەرسامکرد و لەو باڵە یاریی پێدەکرا.
ئایەت نوری لەسەرجەم پاڵەوانێتییەکان 157 یاریی بۆ وۆڵڤز کردووە، 12 گۆڵی کردووە و 19 گۆڵی دروستکردووە.
لە ناوەڕاستی ئەم مانگە مانچێستەر سیتی بەشداریی جامی جیهانی یانەکان دەکات و بەگوێرەی زانیارییەکانی ئاتلێتیک، بەرگریکارە 23 ساڵانییەکە لەگەڵ بلوو موون بەشداریی پاڵەوانێتییەکە دەکات.
