دووێ بە تەمەنێکی بچووکەوە ریکۆردێکی گەورەی لە چامپیۆنزلیگ تۆمارکرد
یاریگا –
فیناڵی چامپیۆنزلیگی 2024/2025 بیرەوەرییەکی لەیادنەچوو دەبێت بۆ پاریسیەکان و دیزیرێ دووێی یاریزانی یانەکەی پایتەختی فەڕەنسا.
لە گێمی یەکەمی یاریی نێوانی پی ئێس جی و ئینتەر میلاندا کە باڵادەستی رەهای فەڕەنسییەکان ناونیشانەکەی بوو، دووێ وەک پیاوی یەکەمی گێمەکە جێدەستی خۆی جێهێشت بە ئەسسیتێک لە خولەکی 12 بۆ ئەشرەف حەکیمی و تۆمارکردنی گۆڵێک 8 خولەک دواتر.
بەو ئەسێستە گۆڵە بۆ یاریزانە 19 ساڵییەکە، ناوبراو بوو بە بچووکترین یاریزان لە مێژووی چامپیۆنزلیگدا بتوانێ لە فیناڵی پاڵەوانێتیەکەدا گۆڵێک و ئەسێستێک بکات.
هاوکات تەنها شەشەم جارە یاریزانێک بتوانێ لە یاریی کۆتاییدا بە گۆڵ و ئەسێست هاوکاری تیمەکەی بکات.
1+1 – Paris SG’s Désiré Doué is the sixth different player to both score and assist in a UEFA Champions League final, while at 19 years and 362 days, he’s the youngest to do so. Star. pic.twitter.com/6k8X0j3Fvj
— OptaJoe (@OptaJoe) May 31, 2025
ئەو یاریزانە کە هاوینی رابردوو لە رین گواسترایەوە بۆ باخچەی شازادەکان، لە یەکەم وەرزیدا زۆر بە نایابی درەوشایەوە و هۆکارێکی گەورەی پشت بردنەوەکانی پاریسە. بەجۆرێک لە 53 یارییدا توانیویەتی 13 گۆڵ و 15 ئەسێستی هەبێت.
