یاریگا –
ئاتلێتیکۆ مەدرید پڕۆژەیەکی درێژمەودای لەگەڵ فێرناندۆ تۆرێس هەیە و گرێبەستەکەی نوێکردەوە.
تۆرێس، ئەستێرەی پێشووی یانە مەدریدییەکە و لیڤەرپوول و چێڵسی، گرێبەستەکەی وەکو راهێنەری تیمی دووەمی ئاتلێتیکۆ مەدرید تاوەکو هاوینی ساڵی 2027 نوێکردەوە.
راهێنەرە 41 ساڵییەکە، لە هاوینی ساڵی 2022 بووە راهێنەری تیمی ژێر 19 ساڵانی ئاتلێتی و توانی دوو نازناوی لالیگا بەدەستبهێنێت و بگاتە قۆناخی پێشکۆتایی چامپیۆنزلیگی لاوان.
Fernando Torres renueva hasta 2027 ❤️🤍
🔗 https://t.co/9GKe6vrcMz pic.twitter.com/17aDZEJmjs
— Atlético de Madrid (@Atleti) May 30, 2025
لە ساڵی 2024، تۆرێس کرایە راهێنەری تیمی دووەمی ئاتلێتیکۆ و بۆ ماوەی دوو وەرزی دیکە لەو یانەیە بەردەوام دەبێت.
تۆرێس لە ساڵی 2001 تاوەکو 2007 یاریی بۆ ئاتلێتیکۆ مەدرید کرد و یەکێکە لە ئەفسانەکانی لۆس رۆخیبلانکۆس. ئێل نینۆ لەگەڵ لیڤەرپوول و چێڵسی ژمارەیەک دەستکەوت بەدەستهێنا.
تۆرێس نازناوەکانی چامپیۆنزلیگ، یۆرۆپالیگ، یۆرۆی و مۆندیالی لە کاروانی وەرزشیدا بردووەتەوە.
