تەواو؛ ئارسیناڵ گفتوگۆی لەگەڵ هێرشبەرێک دەستپێکرد
گەنەرز سوورە لەسەر گواستنەوەی هێرشبەرێک
یاریگا –
ئارسیناڵ خەریکە یەکێک لە ئامانجەکانی مێرکاتۆی هاوینە دەگوازێتەوە.
فلۆریان پلیتێنبێرگ، رۆژنامەنووسی تۆڕی سکای سپۆرتس دووپاتیدەکاتەوە، ئارسیناڵ گفتوگۆکانی لەگەڵ لایپزیگ بۆ گواستنەوەی بێنیامین شێشکۆ، هێرشبەری یانە ئەڵمانییەکە دەستپێکردووە.
چەند رۆژێکە گفتوگۆکان دەستیانپێکردووە و لە ماوەی رابردوودا، مارسێل شافەر، بەڕێوەبەری جێبەجێکاری لایپزیگ و ئاندرێیا بێرتا، بەڕێوەبەری وەرزشی ئارسیناڵ لە لەندەن کۆبوونەوە.
بەگوێرەی زانیارییەکانی پلیتێنبێرگ، تاوەکو ئێستا روون نییە ئارسیناڵ بە داواکارییەکانی لایپزیگ رازی دەبێت، بەڵام گفتوگۆکان نەوەستاون و لە لەندەن هیوایەکی زۆریان بە گواستنەوەی شێشکۆیە.
مەرجی هەڵوەشاندنەوەی گرێبەستی شێشکۆ لە 80 ملیۆن یۆرۆ زیاترە، سەرەڕای گفتوگۆکانی نێوانیان، بەڵام ڤیکتۆر یۆکێرێش، ئەستێرەی سپۆڕتینگ لیسبۆن لە لیستی گرنگیپێدانی گەنەرز ماوەتەوە.
🚨🔴⚪️ EXCL | Negotiations between RB Leipzig and Arsenal regarding Benjamin #Sesko have begun!
A few days ago, there was already a meeting between the executives Marcel Schäfer and Andrea Berta in London.
It remains unclear whether #Arsenal are able to afford the full package.… pic.twitter.com/TBqrepWwfP
— Florian Plettenberg (@Plettigoal) May 30, 2025
یۆکێرێش یەکێکی دیکەیە لە ئامانجەکانی ئارسیناڵ، کە چێڵسیش لەسەر هێڵە بۆ ئەوەی ئەم هێرشبەرە سویدییە بباتە ریزەکانی، سپۆرتینگ لیسبۆن ئامادەیە بە 70 ملیۆن یۆرۆ دەستبەرداری ئەم هێرشبەرە 26 ساڵانە بێت و یۆکێرێشیش بڕیاریداوە سپۆرتینگ بەجێبهێڵێت و ئاڵنگارییەکی دیکە تاقیبکاتەوە.
یۆکێرێش ئێستا لە بۆرسەی یاریزانان بەهایەکەی 75 ملیۆن یۆرۆیە و لەم وەرزە لەگەڵ یانەکەی لە 51 یاری 53 گۆڵ و 13 ئەسیستی کردووە، شێشکۆ لە بۆرسەی یاریزانان بەهایەکەی 65 ملیۆن یۆرۆیە و لەم وەرزە لەگەڵ یانەکەی لە 45 یاری 21 گۆڵ و 6 ئەسیستی کردووە.
