تەواو؛ ئێندریک بەخواستن بۆ دەرەوەی ئیسپانیا
یاریگا –
ئێندریک فێلیپی ریال مەدرید جێدەهێڵێت و بەخواستن پەیوندی بە یانەیەکی سێریائەی دەکات.
ئێندریک هاوینی 2024 یەکەمین گرێبەستی پیشەگەرێتی خۆی لەگەڵ ریال واژۆکرد. بەڵام لە یەکەم وەرزیدا نەیتوانی خۆی لە ئاستی چاوەڕوانییەکاندا بسەلمێنێت و زۆربەی کاتەکان لەسەر کورسی یەدەگ بوو، بەجۆرێ لە کۆی 37 بەشدارییکردن 847 خولەک یاریی کرد. ئەوەش واتا کەمتر لە 23 خولەک بۆ هەر یارییەک.
بەگوێرەی نوێترین زانیاریی کە پێگەی کاڵچیۆ مێرکاتۆ بڵاویکردووەتەوە، لەگەڵ کردنەوەی بازاڕی گواستنەوەکانی هاوینەدا ئەو هێرشبەرە بەڕازلیە بەخواستن دەنێردرێتە ریزەکانی یوڤێنتوسی ئیتاڵی.
سەرچاوەکە ئەوەشی زانیوە کە ریال مەدرید رێگە بە رۆیشتنی دەدات و کەسە نزیکەکانی یاریزانە 18 ساڵییەکەش فشاریان کردووە بۆ تەواوکردنی پرۆسەکە.
🇧🇷 ENDRICK podría marcharse CEDIDO a JUVENTUS en el próximo mercado de pases.
✅ El Real Madrid daría el OK para la operación y el entorno del futbolista presiona para que se haga.
ℹ️ @calciomercatoit pic.twitter.com/KfCgZ05gxG
— Fútbol Fichajes (@FutboolFichajes) May 29, 2025
