تەواو؛ وادەی پەیوەندیکردنی کارێراس بە ریال مەدرید ئاشکرادەکرێت
هەموو شتێک یەکلاییبووەتەوە..
یاریگا –
ریال مەدرید گرێبەستی ئالڤارۆ کارێراس، بەرگریکاری لاوی یانەی بێنفیکا یەکلاییدەکاتەوە.
رۆژنامەنووسی ئیسپانی نانینیۆ بڵاویکردووەتەوە، ریال مەدرید بۆ گواستنەوەی ئالڤارۆ کارێراس لەگەڵ بێنفیکا گەیشتووەتە رێککەوتنی کۆتایی و یانە ئیسپانییەکە گرێبەستی کارێراسی بەتەواوی یەکلاییکردووەتەوە.
هەمان سەرچاوە ئاماژەی بەوەش کردووە، بێنفیکا ئامادەکاری بۆ راگەیاندنی دەستبەردابوون لە ئالڤارۆ کارێراس دەکات و پێشبینی دەکرێت لە چەند کاتژمێری داهاتوو رۆیشتنی بەرگریکارە ئیسپانییەکە رابگەیەنێت.
🚨💣 #InfoNaninho
⏳ En las próximas horas, el Benfica comunicará un hecho relevante al supervisor de la bolsa de Portugal (PSI-20).
🤝🏼 Se trata del ACUERDO con el Real Madrid para el traspaso de Álvaro Carreras, a falta de reconocimiento médico.
📄 Ambos clubes están cruzando… pic.twitter.com/8RTdi9QZoE
— Naninho (@SrNaninho) May 28, 2025
زۆرینەی میدیا باوەڕپێکراوەکان هەواڵەکەیان پشتڕاستکردووەتەوە، ریال مەدرید بڕگەی هەڵوەشاندنەوەی گرێبەستی ئالڤارۆی چالککردووە و لەبەرامبەر گواستنەوەیی 50 ملیۆن یۆرۆ بە بێنفیکا دەدات.
لە 19ـی ئەم مانگەوە ریال مەدرید لەگەڵ یاریزانەکە لەسەر مەرجە کەسییەکان رێککەوتبوو، گرێبەستەکەی کارێراس لەگەڵ مێرێنگی بۆ ماوەی 5 وەرز دەبێت و یاریزانەکە لەو 5 وەرزە بڕی 9 ملیۆن یۆرۆ وەک مووچەی گشتی وەردەگرێت.
کارێراس لە 2017 لە دێپۆرتێڤۆی ئیسپانی پەیوەندی بەتیپی لاوانی ریال مەدرید کردووە و تاوەکو 2020 لە لۆس بلانکۆس ماوەتەوە.
لە هاوینی 2020 پەیوەندی بە مانچێستەر یونایتد کردووە، لە 2020 تاوەکو 2024 شەیتانە سوورەکان سێجار یاریزانەکەیان بەشێوەی خواستن بە پۆرتسمس، گرانادا و بێنفیکاداوە.
یانە پۆرتوگالییەکە لە هاوینی 2024 بەبڕی 6 ملیۆن یۆرۆ گرێبەستەکەی کرد بە هەمیشەیی. تاوەکو هاوینی 2029 بە مەرجی هەڵوەشاندنەوەی گرێبەستەکە بەبڕی 50 ملیۆن یۆرۆ گرێبەستی لەگەڵ واژۆکرد.
ئالڤارۆ کارێراس بەدرێسی بێنفیکا بەشداریی 66 یاریی کردووە، 5 گۆڵی کردووە و 6 گۆڵیشی دروستکردووە. نازناوێکی جامی خولی پۆرتوگالی لەگەڵ یانەکەی بەدەستهێناوە.
