تەواو؛ ئەمڕۆ بایرن میونشن یاریزانێکی نوێ دەگوازێتەوە
گەشتی میونشن دەکات..
یاریگا –
ئەمڕۆ چوارشەممە 28ـی ئایار جۆناسان تا، بەرگریکاری بایەر لیڤەرکوزن دەگاتە میونشن و دەبێتە یاریزانێکی نوێی یانە باڤارییەکە.
رۆژنامەنووسی تۆڕی سکای سپۆرتس فلۆریان پلێتنبێرگ بڵاویکردووەتەوە، ئەمڕۆ جۆناسان تا بۆ پەیوەندیکردن بە بایرن میونشن دەگاتە موینشن و پشکنینی پزیشکی بۆ دەکرێت.
بەرگریکارە ئەڵمانییەکە لەم هاوینە گرێبەستەکەی لەگەڵ لیڤەرکوزن بەسەردەچێت، ئەمڕۆ وەک یاریزانێکی ئازاد تاوەکو هاوینی 2029 گرێبەست لەگەڵ بایرن میونشن واژۆ دەکات، دواتریش پەیوەندی بە شاندی هەڵبژاردەی ئەڵمانیا دەکات.
🚨🩺 ✍️ Today is Jonathan #Tah Day at FC Bayern. As reported, he will arrive today for his medical check in Munich.
Afterwards, he will sign a contract until 2029. Then he will travel on to join the German national team. Bayern are planning firmly with him for the Club World… pic.twitter.com/8NYYkFbDcb
— Florian Plettenberg (@Plettigoal) May 28, 2025
یانەکانی مانچێستەر یونایتد و بارسێلۆنا زۆر هەوڵیان بۆ گواستنەوەی جۆناسان تا دا، بەڵام لە کۆتاییدا میونشن لە رازیکردنی بەرگریکارەکە سەرکەوتوو بوو.
بەرگریکارە ئەڵمانییەکە لە هاوینی ساڵی 2015 لە هامبورگەوە پەیوەندی بە لیڤەرکوزن کرد و گرێبەستەکەی نوێنەکردەوە.
جۆناسان تا 402 یاریی لەگەڵ لیڤەرکوزن کردووە، خاوەنی 18 گۆڵ و 13 ئەسیستە و یەکێکە لە ئەندامانی سەرەکی هەڵبژاردەی ئەڵمانیا.
