وردەکاریی رێککەوتنەکەی نێوان سعوودیەکان و ئینزاگی
یاریگا –
سعوودیەکان نزیکن لەوەیە گرەوەکە لە بەرژەوەندی خۆیان یەکلایی بکەنەوە و سیمۆنی ئینزاگی بکەنە راهێنەری یانەکی ئەو وڵاتە.
بەگوێرەی زانیارییەکانی ساشا تاڤۆلیێری رۆژنامەنووسی ناسراوی ئەوروپی، ئینزاگی رۆشنایی سەوزی بۆ یانەی هیلال هەڵکردووە و دوای فیناڵی چامپیۆنزلیگ وردەکارییەکانی رێککەوتنی نێوانیان تەواودەکرێت.
ئەو رۆژنامەنووسە باسی لە مووچەی راهێنەرە ئیتاڵیەکەی کردووە کە چاوەڕواندەکرێت هیلال پێی بدات، ئەویش 25 ملیۆن یۆرۆی ساڵانەیە کە دەیکاتە یەکێک لە، یان رەنگە، بەرزترین مووچە لەسەر ئاستی راهێنەرەکانی جیهان.
لە درێژەی زانیارییەکانیدا ساشا ئەوەی نووسیوە کە تەنانەت هەفتەی رابردوو خانەوادەکەی ئینزاگی بە یاوەری لەگەڵ خانەوادەی سێرجی ساڤیچی یاریزانی هیلال سەردانی شاری ریازی سعوودیەیان کردووە و لەوێش چاویان بە یانەکە، دانیشتوان و قوتابخانەکانی ئەو شارە.
⚫️🔵🇸🇦 Simone Inzaghi’s now strongly considering Al Hilal FC. Even if nothing’s signed yet and some minor details are expected to be finalized after the #UCLfinal, the Inter coach gave his green light to join Saudi Arabia with a $25M contract per year. Al Hilal side also… pic.twitter.com/FE3TPwgaqR
— Sacha Tavolieri (@sachatavolieri) May 27, 2025
