دەیڤد دێ خیا کاروانێکی نوێ دەستپێدەکات و لە چامپیۆنزلیگ دەبێت

یاریگا –

دەڤید دێ خیا، گۆڵپارێزی ئیسپانی خەریکە کاروانێکی نوێی وەرزشی دەستپێدەکات.

دێ خیا، گۆڵپارێزی فیۆرێنتینا لە لیستی دڵخوازەکانی مۆناکۆی فەڕەنسییە، فابریزیۆ رۆمانۆ، رۆژنامەنووسی ئیتاڵی بڵاویکردووەتەوە، مۆناکۆ خۆی بۆ گواستنەوەی دێ خیا ئامادەکردووە.

دێ خیا لە هاوینی ساڵی 2023 دوای بەسەرچوونی گرێبەستەکەی لە مانچێستەر یونایتد، بەخۆڕایی پەیوەندی بە فیۆرێنتینا کرد، هەرچەندە ڤیۆلا داوای مانەوەی گۆڵپارێزەکە تاوەکو ساڵی 2028 دەکات، بەڵام پێدەچێت پەیوەندی بە مۆناکۆوە بکات.

🚨🇲🇨 EXCL: AS Monaco have David De Gea on their shortlist as new goalkeeper, one of their desired targets.

Fiorentina are in talks to keep De Gea and extend his contract until June 2028 as a priority.

🎥🇮🇹 @MatteMoretto https://t.co/HvOdRWdoKu pic.twitter.com/g76K1eXso3

— Fabrizio Romano (@FabrizioRomano) May 26, 2025

بەگوێرەی ئامارەکانی وەرزی رابردووی یانە فەڕەنسییەکە بێت، بەرپرسانی یانەکە لە ئاستی فیلیپ کۆن و رادۆسلاڤ ماجێکی، هەردوو گۆڵپارێزەکە رازینین، بۆیە دەیانەوێت دێ خیا بگوازنەوە.

تیاگۆ سکوورۆ، بەڕێوەبەری جێبەجێکاری مۆناکۆ هەفتەی رابردوو، گەڕانی یانەکەی بۆ دۆزینەوەی گۆڵپارێزێک دووپاتکردەوە، ئەمەش بەهۆی بەشداریکردنیان لە چامپیۆنزلیگی وەرزی داهاتوو، دوای بەدەستهێنانی پلەی سێیەمی لیگ وەن.