یاریگا –
یانەی هیلالی سعوودی دەیەوێت سیمۆنی ئینزاگی و نیکۆلۆ بارێلا بباتە ریزەکانی و بەفەرمی ئۆفەری پێشکەشی ئینتەر میلان کردووە.
کەناڵی بی ئین سپۆرتسی قەتەڕی ئاشکرایکردووە، هەفتەی رابردوو شاندێکی یانەی هیلالی سعوودی سەردانی شاری میلانۆیان کردووە، بۆ ئەوەی لەبارەی گرێبەستکردن لەگەڵ سیمۆنی ئینزاگی راهێنەر و نیکۆلۆ بارێلا ئەستێرەی یانەکە گفتوگۆ لەگەڵ ئینتەر میلان بکەن.
🟪 #أول_مصدر | نادي الهلال السعودي 🇸🇦 يقدم عرضا لإنتر من أجل التعاقد مع مدربه سيموني إنزاغي ونجمه نيكولو باريلا
⬅️ مسؤول بنادي الهلال السعودي زار ميلانو الأسبوع الماضي من أجل ذلك pic.twitter.com/eiQSzDOoXd— beIN SPORTS الإخبارية (@beINSPORTSNews) May 26, 2025
کەناڵی بی ئین سپۆرتس راشیگەیاندووە، هیلال ئۆفەرێکی فەرمی پێشکەشی ئینتەر کردووە، کە ئەو یانە ئیتاڵییە رۆژی هەینی رابردوو نازناوی سێریا ئەی لەدەست دا و شەممەی داهاتوو لە یاریی کۆتایی چامپیۆنزلیگ رووبەڕووی پاریس سانجێرمان دەبێتەوە.
لەلایەکی دیکە رۆژنامەی توتوۆ سپۆرتی ئیتاڵی ئاشکرایکردووە، هاوژینی ئینزاگی سەردانی ریازی کردووە و هەردوولا لە گفتوگۆیەکانیان بەرەو پێشەوە چوون، بۆ ئەوەی راهێنەرە 49 ساڵانەکە ئەرکی راهێنەرایەتی هیلال بگرێتە ئەستۆ و شوێنی خۆرخێ خیسوس بگرێتەوە.
