ئیسپانیابازاڕی گواستنه‌وه‌گرنگترین
راستەوخۆ؛ رێوڕەسمی ناساندنی چابی ئاڵۆنسۆ
رووماڵی فراوانی تۆڕی وەرزشی یاریگا بۆ رێوڕەسمی ناساندنی چابی ئاڵۆنسۆ
ئەم بابەتە بەردەوام نوێدەکرێتەوە….
لێدوانی ئاڵۆنسۆ لە پرێس کۆنفڕانسی ناساندنەکەی لە مەدرید؛
- رۆژێکی زۆر گەورەیە بۆ من و شانازی بەم کارە نوێیەم دەکەم.
- ئەمڕۆ دەستپێکی سەردەمێکی نوێیە و سوپاسی سەرۆک پێرێز دەکەم، چونکە دەتوانێت سەرکردایەتی سەردەمی نوێی مەدرید بکات.
- لە ریال مەدرید هەمووان چاوییان لە دەستپێکی سەردەمێکی نوێیە و پێکەوە دەتوانین کاری زۆر گەورە بکەین.
- کارلۆ ئانچێلۆتی کەسێکی زۆر گەورەیە و شوێنپەنجەی خۆی جێهێشتووە، بێگومان بەبێ حیکمەتی ئەو، هەرگیز نەدەگەیشتمە ئەم ئاستە.
- ئێستا بە شەڕەفێکی گەورەوە شوێنی کارلۆ دەگرمەوە و هەست بە بەرپرسیارێتییەکی زۆر دەکەم.
- پێکەوە سەردەمێکی نوێ دەستپێدەکەین، خاوەنی یاریزانی زۆر سەرسووڕهێنەرین و پێم وایە دەتوانین دەسکەوتی گەورە بەدەستبهێنین.
- دەمەوێت تیمێکی گەورە دروستبکەین و دەزانم ستافی راهێنەرایەتی زۆر بەباشی پاڵپشتی منن و پێکەوە هەنگاو دەنێین.
- دەبێ هاندەران هەست بە شانازی بکەن و ئێمەش هەوڵدەدەین بەردەوام جوانترین و باشترینیان پێشکەش بکەین، پێکەوە کار دەکەین تاوەکو هەموو هاندەرانی ئەم یانەیە دڵخۆش بکەین.
- هەستدەکەم دەتوانین شتی گەورە و تایبەت بکەین، هالا مەدرید.
پرێس کۆنفڕانسی فلۆرێنتینۆ پێرێز لەبارەی ناساندنی ئاڵۆنسۆ؛
- لە ریال مەدرید خەون و حەزی یاریزانان دروست دەکرێت.
- عەشقی ریال مەدرید لەگەڵ بەهاکانی ئەم یانەیە گەورە دەبێت.
- لە ریال مەدرید رێزگرتن، قوربانیدان و پێشڤەچوونی بەردەوام ئەم یانەیەی بە گەورەیی هێشتووەتەوە.
- ریال مەدرید خاوەنی زۆرترین هاندەرە.
- ئاڵۆنسۆ یەکێکە لە باشترین راهێنەرانی ئێستا و باش لە پێگە و لۆگۆی ریال مەدرید تێدەگات.
- بەخێرهاتنەوەی ئاڵۆنسۆ بۆ ماڵی خۆی دەکەم، دڵنیام دەتوانیت مێژووی ئەم یانەیە بەرز رابگریت و باش لە بەهای یانەکە تێدەگەیت.
- ئەمڕۆ سەردەمێکی نوێ دەستپێدەکات و ئاڵۆنسۆ لە نێو باشترینەکانی جیهانی راهێنەرایەتییە.
- شانازی بە دەستبەکاربوونی ئاڵۆنسۆ دەکەین و بەخێرهاتنی خۆت و ماڵباتەکەت دەکەین.
- ئاڵۆنسۆ باش لە داواکارییەکانی ئەم یانەیە تێدەگات و دەزانێت بەردەوام دەستکەوتمان دەوێت، پێکەوە بەرپرسیارێتییەکان بەش دەکەین و باشترین پێشکەش دەکەین.
راستەوخۆ بینەری رێوڕەسمی ناساندنی چابی ئاڵۆنسۆ ببە.
یەکەم لێدوانی ئاڵۆنسۆ وەکو راهێنەری نوێی ریال مەدرید
🤳 ¡El primer mensaje de @XabiAlonso como nuestro nuevo entrenador!
🆕 #WelcomeXabi pic.twitter.com/Q4d4o6RmhR— Real Madrid C.F. (@realmadrid) May 26, 2025
وێنەی پێرێز لەگەڵ ئاڵۆنسۆ و هاوسەرەکەی
بە ڤیدیۆ؛ واژۆکردنی گرێبەستی چابی لەگەڵ ریال مەدرید بە ئامادەبوونی پێرێز
ئاڵۆنسۆ گرێبەستەکەی بە ئامادەبوونی فلۆرێنتینۆ پێرێز، سەرۆکی ریال مەدرید بۆ ماوەی دووساڵ واژۆکرد.
