یاریگا –
وەکو رێزێک بۆ دەستکەوت و مێژووەکەی لە پاڵەوانێتییەکە، شوێنپێی رافایل نادال لە یاریگای رۆلان گارۆس جێگیرکرا، کە 14 جار بووە پاڵەوانی ئەم پاڵەوانێتییەی گراند سلام.
لە رێوڕەسمێکی تایبەت و مێژووییدا، لە رۆژی یەکەمی یارییەکانی ئەمساڵی رۆلان گارۆس، شوێنپێی رافایل نادال تێنسزانی بەناوبانگی ئیسپانی لە لایەکی یاریگای سەرەکی پاڵەوانێتییەکە جێگیرکرا، کە رافا 14 جار بووەتە پاڵەوانی رۆلان گارۆس و بە پاشای یاریگا گڵینەکان دادەنرێت.
To the King, leaving a perpetual mark on the Roland-Garros clay.#RolandGarros pic.twitter.com/SFHkAuYG9K
— Roland-Garros (@rolandgarros) May 25, 2025
نادال کە کۆتایی ساڵی رابردوو بەیەکجاریی وازی لە یاریکردن هێنا، خاوەنی 22 نازناوی گراندسلامە، ساڵی 2005 یەکەمین نازناوی رۆلان گارۆسی بەدەستهێنا و ساڵی 2022 دوایین نازناوی پاڵەوانێتییەکەی کردەوە.
لە رێوڕەسمە تایبەتەکەی نادال، هەریەکە لە رۆجێ فێدرێر و نۆڤاک جۆکۆڤیچ و ئاندی مارای رکابەرە لەمێژینەکانی نادال ئامادە بوون، نادال لە خۆشی ئەو سوپڕایزە گەورەی بۆیان کرد، دەستی بە گریان کرد و گوتی ‘هەرگیز چاوەڕێی ئەوەم نەدەکرد’.
