ئێستا؛ چێڵسی لە گواستنەوەی هێرشبەرێکی بەڕازیلی نزیکدەبێتەوە
ئۆفەرێکی گەورەی ئامادەکردووە..
یاریگا –
چێڵسی ئۆفەرێکی فەرمی بۆ گواستنەوەی جواو پێدرۆ، هێرشبەری بڕایتن پێشکەشدەکات.
رۆژنامەی گڵۆبۆ بڵاویکردووەتەوە، بۆ گواستنەوەی جواو پێدرۆ چێڵسی دانوستانەکانی لەگەڵ برایتۆن دەستپێکردووە و ئۆفەرێک بە بەهای 50 ملیۆن یۆرۆ پێشکەش بە بڕایتن دەکات.
رۆژنامە بەڕازیلییەکە ئاماژەی بەوەش کردووە، چێڵسی لەم هەفتەیە گفتوگۆکان خێراتر دەکات و دەیەوێت بەر لە دەستپێکی جامی جیهانی یانەکان گرێبەست لەگەڵ هێرشبەرە بەڕازیلییەکە واژۆ بکات.
Chelsea quer João Pedro já para a Copa de Clubes e sinaliza com oferta de quase R$ 400 milhões ➡️ https://t.co/80gy8mttF5
📸 Rafael Ribeiro / CBF pic.twitter.com/9FBMC0PvKp
— ge (@geglobo) May 23, 2025
هێرشبەرە 23 ساڵانییەکە لەلایەن فێرناندۆ دینیز و دۆریڤاڵ جونیۆرەوە دەرفەتی پۆشینی درێسی بەڕازیلی بۆ پێدرا، بۆ دوو یاریی داهاتووی هەڵبژاردەکەی بەرامبەر ئیکوادۆر و پاراگوای لە لیستی سەرەتایی کارلۆ ئانچێلۆتی دەبێت.
پێدرۆ لەم وەرزە لەگەڵ بڕایتن لە 30 یاریی بەشداریی 17 گۆڵی کردووە، 10 گۆڵی کردووە و 7 گۆڵی دروستکردووە، بەربژێرە بۆ بەدەستهێنانی خەڵاتی باشترین یاریزانی ژێر 23 ساڵانی ئەم وەرزەی پرێمەرلیگ.
جواو لە یەکەم رۆژی 2020 فلومێنێنزی بەڕازیلی جێهێشت و بەبڕی 11.50 ملین یۆرۆ پەیوەندی بە واتفۆرد کرد، بەڵام بەهۆی سەرهەڵدانی پەتای کۆڕۆنا یادەوەرییەکانی لەگەڵ واتفۆرد شیرین نەبوون، 109 یاریی بۆ یانەکە کرد، 24 گۆڵی کرد و 8 گۆڵی دروستکرد.
لە هاوینی واتفۆردی جێهێشت و بەبڕی 34.20 ملیۆن یۆرۆ پەیوەندی بە بڕایتن کرد، لەگەڵ یانە نوێیەکەی لە 70 یاریی بەشداریی 40 گۆڵی کردووە، 30 گۆڵی کردووە و 10 گۆڵی دروستکردووە.
