یاریگا –
یانەی بارسێلۆنای ئیسپانی بە فەرمی گرێبەستی رافینیای بەڕازیلی و ئەستێرەی یانەكەی تاوەكو 2028 نوێكردەوە.
رافینیا لە هاوینی ساڵی 2022 لە ریزەكانی لیدز یونایتدەوە بە بەهای 58 ملیۆن یۆرۆ پەیوەندی بە بارسێلۆناوە كرد و گرێبەستەكەی پێشووی لە ساڵی 2027 بەسەردەچوو.
هەژماری فەرمی بارسێلۆنا لە پلاتفۆرمی ئێكس نوێكردنەوەی گرێبەستی رافینیای تاوەكو 2028 راگەیاند.
Living the dream.
𝗥𝗔𝗣𝗛𝗜𝗡𝗛𝗔 𝟮𝟬𝟮𝟴 💙❤️ pic.twitter.com/zzekNJdxI9— FC Barcelona (@FCBarcelona) May 22, 2025
بارسێلۆنا موچەی رافینیای بەرزكردووەتەوە و لە ترسی یانەکانی سعوودیەش، مەرجی هەڵوەشاندنەوەی گرێبەستەکەی دەکاتە یەک ملیار یۆرۆ.
رافینیا یەکێکە لە یاریزانە کاریگەرەکانی ئەم وەرزە و لەگەڵ هانزی فلیک، ئاستێکی نموونەیی پێشکەشکردووە. ئەستێرە بەڕازیلییەکە لەگەڵ لامین یامال، بە کاریگەرترینی ئەم وەرزە هەژمار دەکرێن.
لەم وەرزەدا رافینیا لە کۆی 56 یاریدا 34 گۆڵ و 22 ئەسیستی هەبووە. لەگەڵ بارسا نازناوەکانی لالیگا، جامی شا و جامی سوپەری ئیسپانیای بەدەستهێنا.
