تەواو ؛ لویس ئێنریکێ داهاتووی یەکلاییدەکاتەوە
هەموو شتێک یەکلاییبووەتەوە
یاریگا –
لویس ئێنریکێ، راهێنەری پاریس سانجێرمان داهاتووی یەکلاییکردووەتەوە و لەگەڵ یانە فەڕەنسییەکە بەردەوامدەبێت.
رۆژنامەنووسی RMC فابریس هاوکینز بڵاویکردووەتەوە، لویس کامپۆس، بەڕێوبەری وەرزشی پاریس سانجێرمان لە نوێکردنەوەی گرێبەستی لویس ئێنریکێ نزیکبووەتەوە و تەنیا هەنگاوێک لە نوێکردنەوەی گرێبەستەکە دوورە.
رۆژنامەنووسە فەڕەنسییەکە ئاماژەی بەوەش کردووە، هێشتا پاریس و ئێنریکێ نەگەیشتوونەتە رێککەوتنی کۆتایی، بەڵام گفتوگۆکان بەرەوپێشچوون و ناسر خلێفی سوورە لەسەر نوێکردنەوەی گرێبەستی راهێنەرە ئیسپانییەکە و ئامادە نییە دەستبەرداری ببێت.
🚨🔴🔵 Luis Campos, conseiller sportif du PSG, se rapproche d’une prolongation. Les discussions ont pris un virage décisif ces derniers jours.
➡️ Nasser Al-Khelaïfi le président du PSG, n’a jamais caché son intention de vouloir continuer avec le Portugais qui a aussi le soutien… pic.twitter.com/k8vXpS1wSi— Fabrice Hawkins (@FabriceHawkins) May 22, 2025
هاوکات ناسر خلێفی لەسەر داوای ئێنریکێ بڕیاریداوە گرێبەستی لویس کامپۆسیش نوێبکرێتەوە، بەڕێوبەرە پۆرتوگالییەکە لە هاوینی داهاتووش لە مێتکاتۆی هاوینە سەرکردایەتی پاریس دەکات. بەڵام وادەی نوێکردنەوەی گرێبەستەکەی دەکەوێتە دوای یاریی کۆتایی چامپیۆنزلیگ چونکە یانەکە نایەوێت سەرنجی لەسەر ئەو یارییە لابچێت.
راهێنەرە تەمەن 54 ساڵانییەکە لە هاوینی 2023 وەک راهێنەری سانجێرمان دەستنیشانکرا و ماوەی دوو وەرزە لەگەڵ یانەکە بەردەوامە.
لەگەڵ یانە پاریسییەکە لە 109 یاری خاوەنی 76 بردنەوە، 19 دۆڕان و 14 یەکسانبوونە. دوو نازناوی لیگ وەن، نازناوێکی جامی فەڕەنسا و دوو سوپەری فەڕەنساشی بەدەستهێناوە. لەم وەرزەش یانەکەی گەیاندووەتە یاریی کۆتایی چامپیۆنزلیگ.
