مانچێستەر یونایتد گرێبەستی هێرشبەرێک یەکلاییدەکاتەوە
گرێبەستێکی گەورە..
یاریگا –
مانچێستەر یونایتد گرێبەستی ماتۆس کونیا، هێرشبەری بەڕازیلی وۆڵڤز یەکلاییدەکاتەوە.
رۆژنامەنووسی باوەڕپێکراو فابریزیۆ رۆمانۆ بڵاویکردووەتەوە، مانچێستەر یونایتد گرێبەستی ماتۆس کونیا لەبەرژەوەندی خۆی کۆتاییپێدەهێنێت، لەگەڵ یاریزانەکە لەسەر مەرجە کەسییەکان گەیشتوونەتە رێککەوتن و بەمزووانە گرێبەستەکە دەبێتە فەرمی.
هەر بەگوێرەی زانیارییەکانی رۆمانۆ، ئێستا شەیتانە سوورەکان لەگەڵ وۆڵڤز و بریکاری کارەکانی یاریزانەکەش سەرقاڵی کۆتا وردەکارییەکانی گرێبەستەکەن و دواتر واژۆ لەسەر پەڕاوەکانی گرێبەستەکە دەکەن.
🚨 EXCL: Manchester United are now closing in on Matheus Cunha deal! 💣
The Brazilian has accepted the project as agreement on personal terms is now being finalised, almost done.
Final details to sort between all parties involved… and then, here we go. 🇧🇷 pic.twitter.com/4UKlMe3ipj
— Fabrizio Romano (@FabrizioRomano) May 19, 2025
هێرشبەرە 25 ساڵانییەکە تاوەکو هاوینی 2029 گرێبەستی لەگەڵ وۆڵڤز هەیە، شەیتانە سوورەکان بڕیاریانداوە مەرجی هەڵوەشاندنەوەی گرێبەستەکەی چالاک بکەن کە 64 ملیۆن پاوەندە.
کونیا لە هاوینی 2023 بەبڕی 50 ملیۆن یۆرۆ لە ئاتلێتیکۆ مەدریدەوە پەیوەندی بە وۆڵڤزەوە کرد. لە سەرجەم پاڵەوانێتییەکان 90 یاریی بۆ یانە ئینگلیزییەکە کردووە، 33 گۆڵ و 15 ئەسیستی کردووە.
