مان یونایتد ئۆفەرێکی فەرمی پێشکەشی ئەستێرەیەکی کامیرۆنییەک کردووە

یاریگا –

مانچێستەر یونایتد خەریکە لە ئێستاوە هەوڵی گواستنەوەی ئامانجەکانی وەرزی داهاتووی دەدات.

مان یونایتد تاکە هیوای بردنەوەی یۆرۆپالیگ و بەشداریکردنە لە چامپیۆنزلیگ وەرزی داهاتوو، بۆیە دەستەی کارگێڕی یانەکە نایەوێت لە گواستنەوەی ئامانجەکان بوەستن.

پێگەی فیچاخێس بڵاویکردووەتەوە، شەیتانە سوورەکان چاویان لە گواستنەوەی براین ئێمبوێمۆ، ئەستێرەی برێنتفۆردە. مان یونایتد ئۆفەرێکی بەبڕی 65 ملیۆن یۆرۆی خستووەتە بەردەم یانە لەندەنییەکە و چاوەڕێی وەڵامە.

یاریزانی 25 ساڵان رۆڵێکی گەورە لە یانە لەندەنییەکە دەگێڕێت و لەم وەرزەدا لە کۆی 37 یارییدا 19 گۆڵی کردووە.