لیڤەرپوول و چەند یانەیەکی دیکەی ئەوڕوپی لەسەر گواستنەوەی بەرگریکارێک کێبڕکێ دەکەن
یاریگا –
دوای ئەوەی لیڤەرپوول لە گواستنەوەی دین هاوسن شکستی هێنا، سەرنجی خۆی ئاراستەی تۆماس ئاراوخۆی بەرگریکاری تەمەن 22 ساڵی بێنفیکا کرد.
ئەم یاریزانە کە لەم وەرزەدا بووەتە یەکێک لە یاریزانە سەرەکییەکانی هێڵی بەرگری بێنفیکا، لە 18 یاری خولی پورتوگالیدا بەشداریکردووە و 9 جار یارمەتی تیپەکەی داوە گۆڵەکەیان بە خاوێنی بهێڵنەوە. ئاراوخۆ لە مانگی نۆڤەمبەری 2024 یەکەم یاری نێودەوڵەتی خۆی لەگەڵ هەڵبژاردەی پورتوگال کرد و بە ئاستە نایابەکەی سەرنجی یانە گەورەکانی ئەوروپای بۆ لای خۆی راکێشا.
Liverpool’s plans to bolster their defense include Benfica’s Tomas Araujo! How well of a signing do you think that could be? pic.twitter.com/iv0xm3P8rz
— 365Scores (@365Scores) May 17, 2025
ئەم بەرگریکارە تا ساڵی 2028 گرێبەستی لەگەڵ بێنفیکادا هەبوو، هەردوولا رەزامەندییان دەربڕی گرێبەستەکەیان بۆ وەرزێکی تر نوێ بکەنەوە. گرێبەستە نوێیەکەی تا ساڵی 2029 کارایە.
بڕگەی هەڵوەشاندنەوەی گرێبەستەکەی لەگەڵ بێنفیکا 80 ملیۆن یۆرۆیە، بەڵام هەواڵەکان ئاماژە بەوە دەکەن کە رەنگە بەنفیکا ئامادەبێت لە هاوینی داهاتوودا بیفرۆشێت بە نرخێکی کەمتر نزیکەی 50 ملیۆن یۆرۆ. پاریس سانجێرمانیش ئارەزووی گواستنەوەی ئاراوخۆی هەیە و تەنانەت مووچەی ساڵانە پێنج ملیۆن یۆرۆی پێشکەش کردووە. بەڵام بەنفیکا لە ماوەی گواستنەوەی زستانی رابردوودا ئامادە نەبوو ئەو یاریزانە بفرۆشێت، بەڵام رەنگە هاوینی داهاتوو هەڵوێستی خۆی بگۆڕێت.
هەروەها چێڵسی لەنێو ئەو یانانەیە کە ئارەزووی گواستنەوەی ئاراوخۆ دەکەن و بە بژاردەیەکی ئەگەری دەزانن بۆ بەهێزکردنی هێڵی بەرگری یانەکەیان.
ئاراوخۆ بە یەکێک لە بەهرەمەندە سەرەکییەکانی بەرگری پورتوگال دادەنرێت، شانبەشانی ئەنتۆنیۆ سیلڤا و ئێدواردۆ کوارێسما و گۆنزالۆ ئیناسیۆ. بە لەبەرچاوگرتنی کێبڕکێی توندی نێوان یانە گەورەکانی ئەوروپا بۆ گواستنەوەی ئەم بەرگریکارە لاوە، دەمێنێتەوە بزانرێت کام یانە لە کۆتاییدا لە بەدەستهێنانی واژۆکەی سەرکەوتوو دەبێت.
