فەرمی؛ ریال مەدرید ئەستێرەیەکی گواستەوە
لۆس بلانکۆس کێشەیەکی گەورەی هێڵی بەرگری چارەسەر دەکات
یاریگا –
یانەی ریال مەدریدی ئیسپانی بە فەرمی گواستنەوەی دین هاوسن، بەرگریكاری ئیسپانی یانەی بۆرنمسی ئینگلیزی بۆ ریزەكانی یانەكەی راگەیاند.
We can confirm that Dean Huijsen will join @RealMadrid at the end of the season, after the club activated his release clause.
— AFC Bournemouth 🍒 (@afcbournemouth) May 17, 2025
هاوسن لە هاوینی 2024 لە ریزەكانی یوڤێنتوسەوە بە بەهای 15 ملیۆن یۆرۆ پەیوەندی بە بۆرنمسەوە كرد و گرێبەستەكەی لەگەڵ ئەو یانەیە لە هاوینی 2030 بەسەردەچێت و بڕی هەڵوەشاندنەوەی گرێبەستەكەی 58 ملیۆن یۆرۆیە.
Comunicado Oficial: Huijsen.#RealMadrid | #WelcomeHuijsen
— Real Madrid C.F. (@realmadrid) May 17, 2025
هەژماری فەرمی ریال مەدرید لە پلاتفۆرمی ئێكس گواستنەوەی دین هاوسنی بۆ یانەكەیان پشتڕاستکردەوە.
هاوسن بە گرێبەستێک بۆ تاوەكو هاوینی 2030 و بە بەهای 50 ملیۆن پاوەند پەیوەندی بە ریزەكانی یانە شاهانەكەوە كرد. مووچەی ساڵانەی یاریزانەکە لە ریال مەدرید تاوەکو 2030 بڕی 9 ملیۆن یۆرۆ دەبێت و لە کۆتا ساڵیش بۆ 11 ملیۆن بەرزدەبێتەوە.
ریال مەدرید لە سەرەتای وەرزەوە چاودێری هاوسنی کردووە، یاریزانەکەش چەند جارێک خەونی خۆی بۆ یاریکردن لە مێرێنگی ئاشکرا کردووە.
بەرگریكارە 20 ساڵانەكە لەم وەرزەدا بەشداری 34 یاریی كردووە و توانیویەتی سێ گۆڵ بكات و یەک گۆڵیش دروست بكات.
