تەواو؛ ریال مەدرید گرێبەستی ئەستێرەیەکی یەکلاییکردەوە

یاریگا –

ریال مەدرید گرێبەستی دین هاوسن، بەرگریکاری ئیسپانی یانەی بۆرنمسی یەکلایی کردەوە.

رۆژنامەنووسی باوەڕپێکراو فابریزۆ رۆمانۆ بڵاویکردووەتەوە، ریال مەدرید بۆ گواستنەوەی دین هاوسن گەیشتووەتە رێککەوتنی کۆتایی و سەرجەم وردەکارییەکانی گرێبەستەکەی یەکلاییکردووەتەوە.

رۆژنامەنووسە ئیتاڵییەکە ئاژەی بەوەش کردووە، بەرگریکارە ئیسپانییەکە ئێستا پشکنینی پزیشکی بۆ دەکرێت، پاشان واژۆ لەسەر پەڕاوەکانی گرێبەستەکەی دەکات و بۆ ماوەی پێنج وەرز و تاوەکو هاوینی 2030 دەبێتە یاریزانی ریال مەدرید.

🚨 BREAKING: Real Madrid agree all details of deal to sign Dean Huijsen, here we go! 🤍⭐️

Huijsen undergoing medical NOW then set to sign five year deal until 2030, Real Madrid will pay £50m to Bournemouth.

Real see Huijsen as top talent and Xabi Alonso wanted to bring him in. pic.twitter.com/P4K9nK63bN

— Fabrizio Romano (@FabrizioRomano) May 16, 2025

دوێنێ پێنجشەممە 16ـی نیسان، نوێنەرانی یاریزانەکە و یانەی بۆرنمس گەیشتنە مەدرید، ئەمڕۆ سەرجەم وردەکارییەکانیان یەکلاییکردەوە  و هاوسن بە 50 ملیۆن پاوەند دەبێتە مەدریدی.

بەڵام مێرێنگی پارەکە بەجارێک نادات، بەڵکو بەشێوەی قیست و بە سێ جار پارەکە دەدات، بەشێکی پارەدانەکە دەکەوێتە کۆتایی 2026 و بەشێکی دیکەشی دەکەوێتە کۆتایی 2027.

ریال مەدرید لە سەرەتای وەرزەوە چاودێری هاوسن دەکات، یاریزانەکەش چەند جارێک خەونی خۆی بۆ یاریکردن لە مێرێنگی ئاشکرا کردووە.