یاریگا –
ئانخێل دی ماریا لە کۆتایی ئەم وەرزە ماڵاوایی لە بێنفیکا دەکات.
رۆژنامەی رێکۆرد بڵاویکردووەتەوە، نێوان ئانخێل دی ماریا و یانەی بێنفیکا کۆتایی هاتووە، ئەستێرە ئەرجەنتینییەکە یانەکەی ئاگادارکردووەتەوە، کە لەکۆتایی ئەم وەرزە ماڵاوایی دەکات و یانەکە جێدەهێڵێت.
بێنفیکا یەکێکە لە یانە بەشداربووەکانی جامی جیهانی یانەکان، کە پاڵەوانێتییەکە لەم هاوینە لە ئەمریکا بەڕێوەدەچێت، بەڵام گورزێکی گەورەیان بەردەکەوێت و بەبێ دی ماریا بەشداریی پاڵەوانێتییەکە دەکەن.
🚨 Angel Di Maria and SL Benfica: it's OVER! 🦅
👋 He's informed the club he's leaving at the end of the season.
🙅♂️ He will not participate in the Club World Cup.
(Source: @RECORD_Portugal) pic.twitter.com/39bVZbChK9
— Transfer News Live (@DeadlineDayLive) May 15, 2025
کاروانی وەرزشی دی ماریا لە ئەوروپا لەگەڵ بێنفیکا دەستیپێکرد کاتێک لە هاوینی 2007 بەبڕی 8 ملیۆن یۆرۆ لە رۆزاریۆی ئەرجەنتینییەوە پەیوەندی بە یانە پۆرتوگالییەکە کرد.
ئانخێل لە هاوینی 2010 بەبڕی 33 ملیۆن یۆرۆ پەیوەندی بە ریال مەدرید کرد، چوار ساڵ دواتر مێرێنگی جێهێشت و بەبڕی 74 ملیۆن پاوەند پەیوەندی بە مانچێستەر یونایتد کرد.
بەڵام تەنیا دوای وەرزێک شەیتانە سوورەکانی جێهێشت و بە 63 ملیۆن یۆرۆ پەیوەندی بە پاریس سان جێرمان کرد. پاش حەوت ساڵ و لە 2022 بە بێبەرامبەر پەیوەندی بە یوڤێنتوس کرد و لە هاوینی 2023 بێبەرامبەر جارێکی دیکە گەڕایەوە بێنفیکا.
