دوایین پەرەسەندن؛ موژدە بە هاندەرانی ریال مەدرید دەدرێت
یاریگا –
نوێنەرانی دین هاوسن بۆ کۆتایی هێنان بە گرێبەستەکە لەگەڵ ریال مەدرید گەیشتنە مەدرید.
رۆژنامەنووسی باوەڕپێکراو فابریزۆ رۆمانۆ بڵاویکردووەتەوە، ئەمڕۆ نوێنەران دین هاوسن، بەرگریکاری بۆرنمس گەیشتوونەتە شاری مەدرید و لەگەڵ ریال مەدرید وردەکاری گرێبەستەکەی هاوسن کۆتایی پێدەهێنن.
🚨⚪️ Bournemouth have approved Real Madrid conditions for Dean Huijsen deal with £50m release clause to be paid by the end of 2026. Deal done club to club.
Final green light needed to proceed and seal the deal with player’s camp as Huijsen always gave priority to Madrid.
— Fabrizio Romano (@FabrizioRomano) May 14, 2025
رۆژنامەنووسە ئیتاڵییەکە ئاماژەی بەوەش کردووە، گرێبەستی بەرگریکارە 20 ساڵانییەکە لەگەڵ ریال مەدرید بۆماوەی پێنج وەرز دەبێت و ریال مەدرید بڕی 50 ملیۆن بە بۆرنمس دەدات.
بەڵام مێرێنگی پارەکە بەجارێک نادات، بەڵکو بەشێوەی قیست و بە سێ جار پارەکە دەدات، بەشێکی پارەدانەکە دەکەوێتە کۆتایی 2026 و بەشێکی دیکەشی دەکەوێتە کۆتایی 2027.
ریال مەدرید لە سەرەتای وەرزەوە چاودێری هاوسن دەکات، یاریزانەکەش چەند جارێک خەونی خۆی بۆ یاریکردن لە مێرێنگی ئاشکرا کردووە.
