یاریگا –
بەرپرسانی ساوپاولۆ دەیانەوێت لە نێوان ساڵانی 2026 بۆ 2028 میوانداری چەندین یاری بارسێلۆنا لەو شارە بکەن.
شاری ساوپاولۆی بەڕازیلی گفتوگۆکانی لەگەڵ بارسێلۆنا دەستیپێکردووە لە چوارچێوەی ستراتیژییەتی بۆ چەسپاندنی پێگەی خۆی وەک میوانداری بۆنە گەورە نێودەوڵەتییەکان.
بڕیارە شاری ساوپاولۆ هەنگاوێکی دیکە لە پلانە گەورەکەیدا بنێت بۆ ئەوەی ببێتە ناوەندێک بۆ رووداوە وەرزشییە گرنگەکان. بە گوێڕەی راپۆرتێکی ESPN بەڕازیلی و سەرچاوە ئیسپانییەکان، دەسەڵاتی گەشتیاری ساوپاولۆ بەنیازە میوانداری بارسیلۆنا بکات بۆ یەک یان دوو یاری پێش وەرز لە نێوان ساڵانی 2026 و 2028.
The city of Sao Paulo wants to host multiple Barcelona matches in the coming years. 🇧🇷
— @mundodeportivo pic.twitter.com/h2G59aRlY7
— Barça Universal (@BarcaUniversal) May 13, 2025
پرۆژەکە کە هێشتا لە قۆناخە سەرەتاییەکانیدایە، توێژینەوەی یاسایی و دارایی و کارگێڕی لەخۆدەگرێت، کە پێش ئەوەی ئۆفەرێکی فەرمی پێشکەش بە یانە کەتەلۆنییەکە بکرێت، پێداچوونەوەیان بۆ کراوە. لە راستیدا بارسا بە فەرمی لە رێگەی گوستاڤۆ پیرێس، سەرۆکی بەشی گەشتوگوزاری ساوپاولۆ، کە یەکشەممەی رابردوو لە نزیکەوە سەیری ئیل کلاسیکۆی کرد، ئاگادار کراوەتەوە.
پیرێس لە لێدوانێکیدا بۆ کەناڵی ESPN گوتی:
ئەوەی ئێستا هەمانە مەبەستێکی روونە لە شاری ساوپاولۆوە بۆ دەستپێکردنی دانوستانەکان بۆ میوانداریکردنی یارییەکانی بارسێلۆنا لە نێوان ساڵانی 2026 بۆ 2028. دەمانەوێت لەگەڵ کەرتی تایبەتدا گفتوگۆیەک بکەین بۆ گەڕان بەدوای هاوبەشییەکدا کە ببێتە هۆی هاتنی ئەم یانەیە و ناساندنی شارەکە بە جیهان.
تا ئێستا لە پلانەکەدا رکابەری بارسێلۆنا یان یاریگا دیاری نەکراوە. بەڵام ئەم هەنگاوە نیشانەیەکی دیکەی پەرەسەندنی ئارەزووی بەرازیل بۆ میوانداریکردنی رووداوە وەرزشییە نێودەوڵەتییەکان نیشان دەدات.
