یاریگا –
جارێکی دیکە کلاسیکۆ بەریەککەوتنی نێوان ڤینیسیۆس جونیۆر و هاندەرانی بارسێلۆنای لێکەوتەوە.
دوێنێ یەکشەممە 12ـی ئایار لە گەڕی 35ـی لالیگا بارسێلۆنا لە مۆنجویک میوانداری ریال مەدریدی کرد و 4-3 یارییەکەی بردەوە. بەرێژەیەکی زۆر نازناوی ئەم وەرزەی لالیگای یەکلاییکردەوە.
ڤینیسیۆس لە یارییەکە دوو گۆڵی بۆ کیلیان ئێمباپێ دروستکرد، بەڵام هاندەرانی بارسێلۆنا بەردەوام فشاریان لەسەری دروست دەکرد و سوکایەتییان پێیدەکرد، وەک گاڵتەپێکردن بۆ بەدەستنەهێنانی باڵۆن دۆریش تۆپی کەناردەریایان بۆ ڤینی بەرزدەکردەوە.
🚨🚨🚨🚨🎥
فينيسيوس اشار لجماهير البارسا : ” لدينا 15 تشامبيونز “.
— محمود مجيد (@MMajeedX) May 12, 2025
لە گرتە ڤیدیۆییەکی تایبەت دەردەکەوێت ڤینی لەبەرامبەر سوکایەتییەکانی هاندەرانی بارسێلۆنا بێدەنگ نەبووە، وەڵامی هاندەرانی بارسێلۆنا دەداتەوە و دەڵێت بێدەنگبن ئێمە 15 چامپیۆنزلیگمان هەیە.
یەکەمجار نییە ڤینی و هاندەرانی بارسێلۆنا دەبێت بەکێشەیان، لە کلاسیکۆکانی رابردووش هەمان کێشە روویداوە و دەمەقاڵێی نێوان هاندەران و یاریزانان بووەتە نەریتێکی باوی کلاسیکۆ.
