سەرۆک پەسەندی کرد؛ بارسێلۆنا لەنێوان دوو ئامانجە گەورەکەدا خۆی یەکلایی کردەوە
یاریگا –
بارسێلۆنا دەیەوێ پلانە گەورەکانی لە مێرکاتۆی ئەم هاوینەی دێت جێبەجێ بکات و ریزەکانی بە هێنانی ئەستێرە دیارەکانی ئەوروپا تۆکمەتر بکات.
لە دوو مێرکاتۆی رابردوودا بارسا تەنها دانی ئۆلمۆی گواستەوە ئەویش هاوینی رابردوو لە یانی لایپزیگی ئەڵمانی کە 60 ملیۆن یۆرۆی تێچوو. بەڵام کۆتا دەنگۆکان باس لە فرۆشتنی ئەو یاریزانە دەکەن و نرخی 70 ملیۆن یۆرۆی خستووەتەسەری.
بەگوێرەی رۆژنامەی سپۆرتی نزیک لە یانە کاتالوونیەکە، کارگێڕی بلاوگرانا لەنێوان نیکۆ ویلیامزی ئاتلێتیک بیلباو و رافایل لیاوی ئەیسی میلاندا ئەوەی دووەمیانی پەسەندکردووە.
سەرچاوەکە ئەوەشی زانیوە کە خودی خوان لاپۆرتای سەرۆکی بارسێلۆنا زیاتر بە ئەستێرە پۆرتوگالیەکە سەرسامە وەک لە نیکۆی هاونیشتیمانیی.
🚨 Joan Laporta is a huge admirer of Rafael Leao and wants to sign the AC Milan winger this summer.
The Spanish club prefer Rafael Leao over Nico Williams.
(Source: @sport) pic.twitter.com/uGHphBhQRX
— Transfer News Live (@DeadlineDayLive) May 8, 2025
ئەم نیازەی بارسا لەکاتێکدایە هێشتا قەیرانە داراییەکەی تێنەپەڕاندووە کە بتوانێ گرێبەستی گەورە ئەنجام بدات. بەڵام بە فرۆشتنی ئۆڵمۆ دەتوانێت بڕە پارەیەکی باش بهێنێتەوە بۆ خەزێنەکەی تا هەندێ دەستکراوەبێت لە مێرکاتۆکەدا.
