یاریگا –
مانچێستەر یونایتد بە تێکشاندنی ئاتلێتیک 0-3 بیلباو لەنێو یاریگای سان مامێس سەلماندی هێشتا لەسەر ئاستی کیشوەری ئەوروپا ژمارەیەکی قورسە.
کوڕانی روبن ئامۆریم لە یاریی چوونی پێش کۆتایی یۆرۆپالیگ تەنها یەک گێمیان بەس بوو بۆ گۆڵبارانکردنی خاوەن ماڵ.
بەگوێرەی تۆڕەکانی تایبەت بە ئامار و ژمارەکان، مان یونایتدی لە رکابەرێتیەکانی کیشوەرەکە زۆر لە مان یونایتدی خولی نێوخۆیی باشترە.
مان یو بەم بردنەوەی ئەمشەو، وەک تاکە یانەی نێو سەرجەم 72 یانە کێبڕکێکارەکەی ئەوروپا (چامپیۆنزلیگ، یۆرۆپالیگ و کۆنفرانس لیگ) مایەوە کە تا ئێستا تامی هیچ شکستێکی نەکردووە دوای ئەنجامدانی 13 یاریی.
ئەوە و هەروەها لە 7 یاریی لە ماوەی ئەمساڵی 2025 له یۆرۆپالیگدا 19 گۆڵی تۆمارکردووە. کەچی لە پرێمەرلیگ لە 15 یاریی خولی ئینگلیزی خاوەنی تەنها 18 گۆڵە.
19 – Manchester United have scored more goals in their seven UEFA Europa League games in 2025 (19) than they have in their 15 Premier League games this calendar year (18). Priorities. pic.twitter.com/l808EfeImJ
— OptaJoe (@OptaJoe) May 1, 2025
دوای بێهیوابوونی تەواوەتییان لە پرێمەرلیگ کە لە پلەی 14 دێن، شەیتانە سوورەکان چاویان لە یۆرۆپالیگە لە رێگەیەوە بتوانن بگەڕێنەوە بۆ ئامانجە گەورەترەکەیان کە چامپیۆنزلیگە.
