یاریگا –
لیڕۆی سانێ ئۆفەرێکی گەورەی یانەیەکی سعوودی رەتکردووەتەوە و دەیەوێت لە بایرن میونشن بەردەوام بێت.
بەگوێرەی تۆڕی هەواڵی سکای سپۆرتس، ئیتیحادی سعوودی ئۆفەرێکی بەبڕی 100 ملیۆن یۆرۆ بۆ ماوەی چوار ساڵ، پێشکەشی سانێ کرد، بەڵام هەرزوو ئۆفەرەکەی رەتکردەوە و ئێستا خەریکە لەسەر نوێکردنەوەی گرێبەستەکەی نزیکدەبێتەوە.
بایرن میونشن و سانێ لە گەیشتن بە رێککەوتن نزیکن، ئەمەش دوای دەستپێکردنی خێرای پڕۆسەی گفتوگۆکانی نوێکردنەوەی مانەوە. گرێبەستی ئێستای سانێ لە هاوینی ساڵی 2028 بەسەردەچێت.
سانێ ئامادەیە مووچەکەی کەمبکاتەوە و لەوانەیە مووچەی ساڵانەی ببێتە 10 ملیۆن یۆرۆ و لەوانەیە لەگەڵ پاداشتەکان بگاتە 16 ملیۆن یۆرۆ.
سانێ سەرنجی یانەکانی لیڤەرپوول و ئارسیناڵیشی راکێشابوو، بەڵام پێدەچێت بڕیاری کۆتاییدابێت و کاروانەکەی لە ئالیانز ئارێنا درێژبکاتەوە.
یاریی داهاتووی میونشن بەرامبەر لایپزیگە و لەوانەیە نازناوی ئەم وەرزەی بۆندسلیگا یەکلاییبکاتەوە.
