سەڵاح ریزبەندیی یەکەمی پێڵاوی ئاڵتوونی لەدەستدا

محەمەد سەڵاح سەرەڕای تۆمارکردنی گۆڵێک بەرامبەر تۆتنهام بەڵام پلەی یەکەمی ریزبەندیی پێڵاوی ئاڵتوونی لەدەستدا لە بەرژەوەندی ڤیکتۆر یۆکێرێش.

پێڵاوی ئاڵتوونی ساڵانە دەدرێت بەو یاریزانەی زۆرترین خاڵ کۆدەکاتەوە لەرێگەی تۆمارکردنی گۆڵ لە خولە ئەورووپییەکاندا.

هەژماری خاڵەکان بە جۆرێکە کە یاریزانانی پێنج خولە گەورەکەی ئەورووپا بۆ هەر گۆڵێک دوو خاڵ وەردەگرن، بۆ خولەکانی دوای ئەوان بۆ هەر گۆڵێک 1.5 خاڵ و خولە لاوازەکانی ئەورووپاش خاڵێک بۆ هەر گۆڵێك.

ئەوەی جێگەی سەرنجە یۆکێرێش بە 57 خاڵ لە پلەی یەکەم دێت سەرەڕای ئەوەی  لە خولی پۆرتوگالییە و تەنها 1.5 خاڵ وەردەگرێت بۆ هەر گۆلێک. ئەستێرە سویدییەکە بە 38 خاڵ گەیشتووەتە بە 57 خاڵ و سەڵاح بە 28 گۆڵ خاوەنی 56 خاڵە.

لیڤەرپوول لەم وەرزەدا چوار یاری ماوە لە کاتێکدا سپۆرتینگ سێ یاری ماوە، بەڵام روون نیە دوای مسۆگەرکردنی پریمەرلیگ تا چەند بەشداری بە محەمەد سەڵاح دەکرێت لەو یارییانەی کە ماون.

ریزبەندییەکە تا ئەمڕۆ بەم جۆرەیە:

#	یاریزان				گۆڵ	خاڵ/خول	خاڵەکان
1	ڤیکتۆر یۆکێرێش				38	1.5	57
2	محەمەد سەڵاح				28	2	56
3	رۆبەرت لێڤاندۆڤێسکی				25	2	50
4	هاری کەین				24	2	48
5	ماتیۆ ریتیگی هێرشبەری ناوەند				24	2	48
6	کیلیان ئێمباپێ				22	2	44
7	ئەلیکساندەر ئایزاک				22	2	44
8	میکا بیەرس				24	2/1.5	42.5
9	عوسمان دێمبێلێ				21	2	42
10	ئێرلینگ هالاند				21	2	42