یاریگا –
فیدراسیۆنی تۆپی پێی ئیسپانیا ناوبژیوانانی یاریی کۆتایی جامی شای ئیسپانیا دەگۆڕێت.
تۆڕی ئاتلێتیک بڵاویکردووەتەوە، سەرچاوەیەکی باوڕپێکراو پێڕاگەیاندووین بەهۆی لێدوانەکانی ئەمڕۆ، فیدراسیۆنی تۆپی پێی ئیسپانیا بڕیاریداوە ناوبژیوانانی یاریی کلاسیکۆ، دی بۆرگۆس و هاوکارەکانی دووربخاتەوە و دەستەیەکی دیکەی ناوبژیوانان یارییەکە بەڕێوەدەبەن.
Sources, speaking on the condition of anonymity, have indicated to The Athletic that they expect the RFEF to remove De Burgos Bengoetxea and Fuertes from officiating Saturday’s game after their comments.https://t.co/mEIUCOiK68 https://t.co/GbWwzJOKbs
— The Athletic | Football (@TheAthleticFC) April 25, 2025
دوای ئەوەی دێ بۆرگۆس ناوبژیوانی یاریی کۆتایی جامی شای ئیسپانیا لە کۆنگرەی رۆژنامەوانی پێش یارییەکە دەستی بە گریان کرد و ریال مەدریدی بە ناوزڕاندنی تۆمەتبارکرد، لێدوانەکانی هەرایەکی گەورەی نایەوە.
ریال مەدرید لەوبڕوایەدایە لیژنەی ناوبژیوانان بە ئەنقەست 24 کاتژمێر بەر لە یاریی کۆتایی ئەو کارەیان کردووە تاوەکو زیان بە دەروونی تیپەکە و بگەیەنن و ناوبانگی یانەکەش لەکەدار بکەن.
هەربۆیە یانەکە بایکۆتی کۆنگرەی رۆژنامەوانی و مەشقەکانی ئەمڕۆ و سەرجەم بۆنە فەرمییەکانی یارییەکەی کرد و لە ئەگەری دوورنەخرانەوەی ناوبژیوانیش هەڕەشەی کشانەوەی کردووە.
