تەواو؛ ئارسیناڵ گرێبەستی ئەستێرەیەکی نوێدەکاتەوە
یاریگا –
ئارسیناڵ دەیەوێت گرێبەستی تۆماس پارتی نوێبکاتەوە و ئێستا لەگەڵ یاریزانەکە گفتوگۆی نوێکردنەوەی گرێبەستەکەی دەکات.
ناوەڕاستکارە 31 ساڵانییەکە لە هاوینی داهاتوو گرێبەستەکەی لەگەڵ گەنەرز بەسەردەچێت و دەبێت بە یاریزانێکی ئازاد.
پێشبینی دەکرا ئەم وەرزە کۆتا وەرزی پارتی بێت لەگەڵ ئارسیناڵ و لە هاوین ماڵئاوایی بکات، بەڵام بەهۆی بەرزبوونەوەی ئاستی سەرنجی ئارتێتای راکێشاوەتەوە و میکێل داوای نوێکردنەوەی گرێبەستەکەی کردووە.
رۆژنامەنووسی تۆڕی ئاتلێتک دەیڤد ئۆرنشتاین بڵاویکردووەتەوە، پارتی لە ئارسیناڵ دڵخۆشە، گفتوگۆی نوێکردنەوەی گرێبەستەکەی ئەرێنین و رەنگە گرێبەستەکەی بۆ دوو وەرزی دیکە یاخود وەرزێک لەگەڵ بژاردەی نوێکردنەوەی بۆ 12 مانگی دیکە نوێبکاتەوە.
🚨 Arsenal want Thomas Partey to stay + in talks over new contract. 31yo midfielder happy at #AFC & family enjoying London life. Ghana int’l open to improved 2yr deal or 1+1yr – will consider alternative options if agreement cannot be struck @TheAthleticFC https://t.co/9C3AT22uiR
— David Ornstein (@David_Ornstein) April 23, 2025
هەر بەگوێرەی هەمان سەرچاوە، یاریزانە 31 ساڵانییەکە ئەگەر لەگەڵ ئارسیناڵیش نەگاتە رێککەوتنی کۆتایی، بیری لە بژاردەی دواتر کردووەتەوە. بەڵام ئەگەری مانەوەی لە رۆیشتنی بەهێزترە.
پارتی لە ئۆکتۆبەری 2020 بەبڕی 50 ملیۆن یۆرۆ لە ئاتلێتیکۆ مەدریدەوە پەیوەندی بە ئارسیناڵ کردووە، لە سەرجەم پاڵەوانێتییەکان 162 یاریی بۆ یانە لەندەنییەکە کردووە، 7 گۆڵی کردووە و 9 گۆڵی دروستکردووە. بەهۆی پێکانیش بەشداریی بەشێکی زۆری یارییەکانی نەکردووە.
