هیلال شوێنگرەوەی سەڵاحی دەستنیشانکرد
واز لە سەڵاحیش ناهێنێت.....
یاریگا –
یانەی هیلال سوورە لەسەر گواستنەوەی ئەستێرەیەکی گەورە بەر لە دەستپێکردنی مۆندیالی یانەکان.
دوای شکستهێنانی یانە سعوودییەکە لە گواستنەوەی محەمەد سەڵاح، ئێستا چەند بژاردەیەکی دەستنیشانکردووە و جووڵەکان دەستیانپێکردووە.
ماوەیەکی درێژە هیلال هەوڵی گواستنەوەی سەڵاح دەدات، بەڵام دوای نوێکردنەوەی گرێبەستەکەی لە لیڤەرپوول، هیلال بێهیوا بوو و دەیەوێت بە زووترین کات، یاریزانێک لە ئاستی نێیمار دا سیلڤا بگوازێتەوە.
بێن جەیکوبس، رۆژنامەنووسی دیاری بەریتانی روونیکردووەتەوە، هیلال بوودجەی سەڵاح دەست لێنەداوە و دوای دوو ساڵی دیکە، جارێکی دیکە هەوڵی گواستنەوەی دەدات.
Exclusive: Al-Hilal have retained the central budget allocated to try and sign Mohamed Salah.
It will now be put towards a new star name. Al-Hilal keen to add a marquee signing ahead of the Club World Cup.
Victor Osimhen is one name under consideration, and is open to Saudi.… pic.twitter.com/rHw4YOjKK0
— Ben Jacobs (@JacobsBen) April 23, 2025
بەگوێرەی زانیارییەکانی جەیکوبس بێت، هیلال دەیەوێت ڤیکتۆر ئۆسیمین، هێرشبەری نایجیری بگوازێتەوە و یاریزانەکەی گاڵاتەسەڕای لاری لە گواستنەوەکە نییە.
ئۆسیمین بەشداری لە 35 یاریی ئەم وەرزە کردووە و خاوەنی 30 گۆڵ و حەفت ئەسیستە.
ئۆسیمین لە ساڵی 2023 خەڵاتی باشترین یاریزانی ئەفریقیای بەدەستهێنا و یارمەتی ناپۆلیدا، ببێتە پاڵەوانی ئیتاڵیا.
هیلال لە کۆمەڵەی دووەمی مۆندیالی یانەکانە، شانبەشانی یانەکانی ریال مەدرید، پاچووکا و سالزبورگ یاریی دەکات.
