هەولێر لە سەر ئەنجامە خراپەکانی بەردەوامە

یاریگا –

جارێکی دیکە هەولێر تووشی شکست هات و ئەمجارەیان لە دەرەوەی یاریگای خۆی بە گەڕمە دۆڕا.

لە گەڕی 29ـی خولی ئەستێرەکانی عێڕاق، هەولێر لە دەرەوەی یاریگای خۆی بە ئەنجامی 1 _ 0 بە یانەی گەڕمە دۆڕا، هەولێر لە ئەنجامە خراپەکانی بەردەوامە و بە جۆرێک لە شەش یاریی رابردوو پێنج یاریی دۆڕاوە و یەک سەرکەوتنیشی هەیە کە بەرامبەر حدوود بوو.

سەمیر بابۆ راهێنەری هەولێر دوای یارییەکەی بەرامبەر گەڕمە باسی لە ئەنجامی یارییەکە کرد و راێگەیاند:

پیرۆزبایی لە گەڕمە دەکەم و هیوای بەختێکی باشتر بۆخۆمان دەخوازم، گێمی یەکەم زۆرباش یارییمان کرد و بە تەواوی رێگربووین لە دروست بوونی دەرفەت بۆ تیپی بەرامبەر و ئێمە مەترسیدارتربووین، لە گێمی دووەم هەڵەی تاکەکەسی یاریزان وایکرد گۆڵێکمان لێبکرێ و نەمانتوانی گۆڵ بکەین و دەرفەتەکان لەدەست دەدران، بەختیش یاوەری ئێمە نەبوو لەم یارییە.

هەولێر لە 28 یاریی خاوەنی 35 خاڵە و کەوتە ریزبەندی 15ـەم، گەڕی داهاتووش لە یاریگای فرانسۆ هەریڕی رووبەڕووی شوڕتە دەبێتەوە لە یارییەکی بەهێزدا، گەڕمەش بە 40 خاڵ هاتە ریزبەندی 10ـەیەمی خولی ئەستێرەکانی عێراق.