سکای سپۆرتس بۆمبێکی گەورە دەتەقێنێتەوە؛ دوو گواستنەوەی مێژوویی ئاشکرادەکات
یاریگا –
دوو گواستنەوەی مێژوویی چاوەڕوانیی مێرکاتۆی هاوینە دەکات و سەرچاوەیەکی باوەڕپێکراو لەو بارەیەوە زانیارییەکان ئاشکرادەکات.
تۆڕی هەواڵی سکای سپۆرتس ئاشکرای کردووە چەند بەرپرێسکی جێبەجێکار و هەروەها بریکاری یاریزانان لە خولی ئەڵمانیی کە پەیوەندی راستەوخۆ یان ناڕاستەوخۆیان بە ریال مەدریدەوە هەیە، ئاگەدارن بەوەی هێشتا بابەتی پەیوەندیکردنی ڤینیسیۆس جونیۆر لەم هاوینەی دێت بە خولی سعودیەوە لەسەر مێزی گفتوگۆکان لانەچووە.
سەرچاوەکە ئەوەشی زانیوە کە سعودیەکان هێشتا خەون بەو گواستنەوە زەبەلاحەوە دەبینن. هاوکات بەبێ ئەوەی بڕی تێچووەکەی ئاشکرا بکات، ئەوەشی نووسیوە کە گواستنەوەکە چ لە رووی خەرجی یاخود بڕی مووچەوە، بێ وێنە دەبێت و هەرگیز هاوشێوەی نەبووە.
هەمان سەرچاوە لە درێژەی زانیارییەکانیدا گۆمەکەی زیاتر شڵەقاندووە و باس لەوە دەکات، لە ئەگەری رۆشتتنی ڤینیسیۆس بۆ خولی ئەو وڵاتەی کەنداو، ئەوا ئێرلینگ هالاندی نەرویجی لە مانچێستەر سیتی بژاردەی یەکەمی ریال مەدرید دەبێت بۆ شوێنگرتنەوەی ئەستێرە بەڕازیلیەکە.
🚨🇸🇦 Several executives and agents from the Bundesliga and across Europe, who are directly or indirectly connected to Real Madrid, are aware that a summer move for #Vinicius Jr. to Saudi Arabia is not entirely off the table. The Saudis continue to dream of pulling off this XXL… pic.twitter.com/aZEqRUwLFI
— Florian Plettenberg (@Plettigoal) April 13, 2025
