یاریگا –
ئەستێرەیەکی دیکەی بۆڕووسیا دۆرتموند بۆ یارییەکەی بەرامبەر بارسێلۆنا ئامادە نابێت.
رۆژنامەی موندۆ دیپۆرتیڤۆ بڵاویکردووەتەوە، ئێمری جان بەشداریی مەشقە بەکۆمەڵەکانی ئەمڕۆی نەکردووە و پێکانی هەیە، بە ئەگەرێکی زۆر سبەی ناتوانێت بەرامبەر بارسێلۆنا یاریی بکات. بەو هۆیەش گورزێکی دیکەی گەورە بەر زەردەواڵەکانی ئەڵمانیا دەکەوێت.
Emre Can no se entrena con el Dortmund y es duda ante el Barça
@javigasconMD https://t.co/YzkMoWJM18
— Mundo Deportivo (@mundodeportivo) April 14, 2025
سبەی سێشەممە 15ـی نیسان لە یاریی گەڕانەوەی قۆناخی چارەکی کۆتایی چامپیۆنزلیگ، بارسێلۆنا لە یاریگای سیگناڵ ئیدوناپارک دەبێتە میوانی بۆڕووسیا دۆرتموندی ئەڵمانی.
بارسا لە یاریی چوون 4-0 لە یاریگای خۆی براوە بوو، بەڕێژەیەکی زۆر سەرکەوتنی بۆ قۆناخی پێشکۆتایی پاڵەوانێتییەکە یەکلایی کردووەتەوە و ئەرکی ئەڵمانییەکان یەکجار سەختە.
جیا لە ئێمری هەریەکە لە یاریزانان نیکۆ شلۆتێربێک، مارسیل سابیتزە، فیلیپۆ مانێ و کۆڵ کامپڵیش بەهۆی پێکان بۆ یارییەکەی سبەی ئامادە نابن.
