یاریگا –
پێشهاتی چاوەڕواننەکراو لە هەڵوێستی ئاردا گولەر روویداوە و ئەو یاریزانە لاوە بە مەرجێكی قورس هەڕەشە لە فلۆرێنتینۆ پێرێز دەکات.
گولەر لەژێر سەرپەرشتی کارلۆ ئانجێلۆتی وەرز لەدوای وەرز زیاتر پەڕاوێز دەخرێت، لەم وەرزە لە کۆی 34 یاریی لە 1,233 خولەکدا تێیاندا بەشداریی کردووە، ئەوەش واتا کەمتر لە 37 خولەک بۆ هەر یارییەک. هەربۆیە هەڕەشەی جێهێشتنی ریال مەدریدی کردووە و ئەوەشی بە فلۆرێنتینۆ پێرێزی سەرۆکی یانەکە راگەیاندووە.
بەگوێرەی زانیارییەکانی RM Confidencialی ئیسپانیی، یاریزانە تورکییەکە هۆشداریی بە پێرێز داوە ئەگەر ئەم هاوینە ئانچێلۆتی نەڕوات، ئەوا ئەو ریزەکانی مەدرید جێدەهێڵێت و پەیوەندی بە یانەیەکی دیکەوە دەکات.
🚨 Arda Guler has reportedly warned Real Madrid president Florentino Perez that he will leave the club this summer unless Carlo Ancelotti departs.
(Source: RM Confidencial) pic.twitter.com/datige5Dc9
— Transfer News Live (@DeadlineDayLive) April 13, 2025
ئەو هۆشدارییەی ئاردا لەکاتێکدایە یانەکە بەدەست ئەنجامە خراپەکانیەوە دەناڵێنێت، بەڵام هێشتا پێگەی راهێنەرە ئیتاڵییەکە نەکەوتووەتەبەر مەترسیی ئاشکرا لەکاتێکدا ساڵێک لە گرێبەستەکەی لەگەڵ ریال ماوە. خودی کارلۆ ئەوەش دووپاتکردەوە کە یانەکەی پشتگیری دەکات.
ئانچێلۆتی هەمووشتێکی لەبارەی پۆستەکەیەوە ئاشکراکرد – Yariga
هێشتا دیار نییە وەڵامی فلۆرێنتینۆ بۆ هۆشدارییەکەی گولەر چی دەبێت. ئەم هاوینەی دێت هەمووشت یەکلایی دەبێتەوە
