ئاتلێتیکۆ مەدرید لەسەر لێدانه‌كه‌ی ئالڤارێز سکاڵای یاسایی لەسەر یوێفا تۆمار دەکات
یاریگا –
هەرچەندە نزیکەی مانگێک بەسەر دۆڕانی ئاتلێتیکۆ مەدرید به‌رامبه‌ر ریال مەدریدی لە قۆناخی 16ـی چامپیۆنزلیگ تێپه‌ریوه، به‌ڵام ئاتلێتكۆ مه‌درید بڕیاریایداوه رێکاری یاسایی بەرامبەر یوێفا بگرێته‌به‌ر.
ریال مەدرید بە لێدانه‌كانی یه‌كلایی كه‌ره‌وه، سوودی لە ره‌تكردنه‌وه‌ی لێدان جولیان ئەلڤارێز وه‌رگرت كه ناوبژیوان رایگه‌یاند دووجار قاچی به‌ر تۆپ كه‌وتووه سه‌ركه‌وت بۆ قۆناخی هه‌شتی پاڵه‌وانه‌تیه‌كه.
له كاتی یارییه‌كه مشتومرێكی گه‌وره له‌سه‌ر لێدانه‌كه‌ی ئالڤارێز دروست بوو، دوای یارییه‌كه یوێفا دپشتڕاستی کردەوە کە بڕیاری ناوبژیوان دروسته گۆڵەکەی ئالڤارێزی ره‌تكرده‌وه و روونكردنه‌وه‌یه‌كیشی بڵاوكرده‌وه.
Statement with video clip: https://t.co/9HtXwqoNDW
— UEFA (@UEFA) March 13, 2025
ئەوەی لەم چەند کاتژمێرەی دواییدا مشتومڕەکەی نوێکردۆتەوە، بڕیارە سەرسوڕهێنەرەکەی لیژنەی ناوبژیوانی یوێفایه بۆ دوورخستنەوەی یاریدەدەری ناوبژیوانی تۆماس کویاتکۆڤسکی لە یارییەکانی دیکە و هەروەها ئه‌و ده‌نگۆیه‌ش هه‌بوو كه یوێفا ڤیدیۆی دووجار به‌ركه‌وتنی قاچی ئالڤارێزی ساختە کردووە.
🚨 BREAKING: Atlético Madrid fan groups Unión Internacional de Peñas, Senado Atlético, Asociación Los 50, and Señales de Humo have united to take legal action against UEFA over the disallowed penalty goal by Julián Álvarez in the Champions League.
They criticize UEFA for… pic.twitter.com/14vRTEcFj9
— Atletico Universe (@atletiuniverse) April 11, 2025
گروپەکانی هاندەرانی ئاتلێتیکۆ مەدرید رۆژی هەینی لە بەیاننامەیەکدا ئاشكرایان كرد، کە سکاڵا لەسەر یوێفا تۆمار دەکەن و ده‌ڵێن، به‌ڵگه‌مان هه‌یه كه ڤیدیۆ راسته‌قینه‌كه نییە، بەڵکو دەستکاری کراوە.
📌 Comunicado oficial #JuntosSomosMasFuerteshttps://t.co/mbSxtn0GCW pic.twitter.com/dMeMCI3xdA
— Unión Internacional de Peñas Atlético de Madrid (@unionatm) April 11, 2025
له بەیاننامەکەی کۆمەڵەی هاندەران رایانگه‌یاندووه، هەنگاوی یه‌كه‌می پرۆسەکە بریتییە لە پێکهێنانی گروپێکی کارا لە پارێزەرانی دیار و راسپێردراو بۆ داڕشتنی ستراتیژی یاسایی بۆ تۆمارکردنی سکاڵایەکی گونجاو لە دژی یەکێتی تۆپی پێی ئەوروپا هه‌وره‌ها داوا ڕوونکردنەوە لە یوێفا ده‌كه‌ن، رێوشوێنی یاسایی دژی فیدراسیۆنی یوێفا ده‌گرنه‌به‌ر.
كۆمه‌ڵه و ده‌سته‌ی هانده‌رانی یانه‌كه ده‌ڵێن، گومانمان هه‌یه له دوورخستنه‌وه‌ی یاریده‌ده‌ری ناوبژیوانی یارییه‌ك و ده‌ستكاریكردنی ڤیدیۆی راسته‌قینه‌ی لێدانه‌كه، بۆیه ئێمه سكاڵا تۆمار ده‌كه‌ین باوه‌ڕمان به به‌ڵگه‌كانی یوێفا نیه.
