یاریگا –
دین هیوسن جارێکی دیکە خواستی خۆی بۆ یاریکردن بۆ ریال مەدرید دەردەبڕێت.
ریال مەدرید ماوەیەکە لە نزیکەوە چاودێری دین هیوسن، بەرگریکاری بۆرنمس دەکات. هیوسن لە هاوینی رابردوودا بەبڕی 15.2 ملیۆن پاوەند لە یوڤێنتوسەوە پەیوەندی بە بۆرنمس کرد. ئێستا یەکێکە لە باشترین یاریزانانی بۆرنمس و بانگهێشتی هەڵبژاردەی ئیسپانیاش کراوە.
بەرگریکارە 19 ساڵانییەکە پێشتر چەند جارێک دڵخۆشی خۆی بە گرینگیپێدرانی لەلایەن ریال مەدرید دەربڕیبوو، لە چاوپێکەوتنێکی نوێی لەگەڵ ئێل چیرینگویتۆ جارێکی دیکە خواستی خۆی بۆ یاریکردن بۆ ریال مەدرید دەردەبڕێت.
ئاگادارم ریال مەدرید گرنگیم پێدەدات، هاوڕێکانم هەواڵەکانم بۆ دەنێرن و دەڵێن پەیوەندی بە ریال مەدرید بکە.
حەزدەکەم یاریی بۆ ریال مەدرید بکەم، یانەیەکی مەزنە و هەموو یاریزانێک حەزدەکات یاریی بۆ یانە مەزنەکان بکات.
سێرجیۆ رامۆسیش نمونەی باڵامە.
🔝 HUIJSEN, en ‘Los amigos de @EduAguirre7‘:
🤍 “Mis AMIGOS me dicen que FICHE por el MADRID”
🌟 “Mi ídolo es RAMOS”.
¡Entrevista completa este jueves a las 15.30h en Youtube! pic.twitter.com/ho2Fnkt6M4
— El Chiringuito TV (@elchiringuitotv) April 10, 2025
هیوسن لە هاوینی 2030 گرێبەستەکەی لەگەڵ بۆرنمس بەسەردەچێت، مەرجی هەڵوەشاندنەوەی 50 ملیۆن پاوەندە و لەم هاوینە هەر یانەیەک ئەو بڕە پارەیە بدات، دەتوانێت گرێبەستی لەگەڵ واژۆ بکات.
هیوسن لە دایکبووی هۆڵەندایە، لە تەمەنی پێنج ساڵیدا بووەتە وڵاتینامەی ئیسپانیا و ژیانی لە مەدرید بەسەربردووە.
مانگی رابردوو بۆیەکەمجار بانگهێشتی هەڵبژاردەی ئیسپانیا کرا و ئاستێکی بەرزی لەگەڵ ماتادۆر پێشکەشکرد.
