یاریگا –
ئەیسی میلان بەهۆی پێکانێکی سەخت کایل وۆڵکەر لەدەست دەدات.
ماڵپەڕی فەرمی ئەیسی میلان بڵاویکردووەتەوە، کایڵ وۆڵکەر تووشی پێکان بووە و ئانیشکی راستەی شکاوە، نەشتەرگەرییەکی سەرکەوتووی بۆکراوە و وادەی گەڕانەوەی پەیوەست دەبێت بە توانای چاکبوونەوە یاریزانەکە.
بەگوێرەی میدیاکانی ئیتاڵیا، بەرگریکارە ئینگلیزییەکە بەهۆی ئەو پێکانە بۆ ماوەی نزیکەی مانگێک دووردەکەوێتەوە و تاوەکو ناوەڕاستی مانگی داهاتوو ناگەڕێتەوە.
بەرگریکارە 34 ساڵانییەکە لە زستانی رابردوو مانچێستەر سیتی جێهێشت و بەشێوەی خواستن پەیوەندی بە یانە ئیتاڵییەکە کرد.
بە درێسی میلان لە سەرجەم پاڵەوانێتییەکان بەشداریی 30 یاریی کردووە، هیچ گۆڵێک و ئەسیستێکی نەکردووە.
