فه‌ره‌نساگرنگترین

پاریس وەک یەکەم یانەی پێنج خولە بەهێزەکەی ئەوروپا خۆی وەک پاڵەوان ناساند

Yariga App

یاریگا –

لەنێو سەرجەم پێنج خولە بەهێزەکەی ئەوروپا، پاریس سانجێرمان کەمترین کاتی ویست بۆ بەرزکردنەوەی نازناوی نێوخۆیی.

لەسەر ئاستی ئەوروپا، خولەکانی ئینگلتەرا، ئیسپانیا، ئیتاڵیا، ئەڵمانیا و فەڕەنسا دادەنرێن بە بەهێزترین خول لە سەرانسەری کیشوەرەکە.

پی ئێس جی بە راهێنەرایەتی لویس ئێنریکی تەنها 28 هەفتەی بەس بوو بۆ یەکلاییکردنەوەی نازناوەکە دوای بردنەوەکەی ئەمشەویان 1-0 لە ئانجی.

ئەوەی وەک نیشانەیەکی گەورەی مێژوویی دەمێنێتەوە بۆ راهێنەرە ئیسپانییەکە، ئەوەیە بەبێ هیچ شکستێک توانی تیمەکەی بکاتە پاڵەوان. بە کۆکردنەوەی 74 خاڵ و جیاوازیی 24 خاڵ لە نزیکترین رکابەری کە مۆناکۆیە.

لەوەتەی سەرهەڵدانی خولی فەڕەنسی لە ساڵی 1932، هیچ یانەیەکی ئەو وڵاتە هێندەی پاریس نازناوەکەی نەبردووەتەوە (13) جار.

یەکەم نازناوی تیمەکەی پایتەخت لە 1985-1986 بوو. لەوەتەی هاتنی ناسر خلێفی قەتەریی لە ساڵی 2011 وەک خاوەنی یانەکە، خولەکەیان بەجۆرێک بۆ خۆیان قۆرخ کردووە کە 11 جار بوونەتە پاڵەوان.

پاریسیەکان بە گڕوتینەوە وەرزەکەیان دەستپێکردووە. گەیشتوونەتە فیناڵی جامی فەڕەنسا و چاویشیان لە نازناوە گەورەترەکەیە کە چامپیۆنزلیگی خەونی لەمێژینەیانە. لەو پاڵەوانێتیەش گەیشتوونەتە چارەکی کۆتایی و رووبەڕووی ئاستۆن ڤیلا دەبنەوە.

بابەتی زیاتر

Back to top button