یاریگا –
بایرن میونشن ئەستێرەیەکی دیکەی لەدەسیدا و جەمال موسیالا بەهۆی پێکان نزیکەی دوو مانگ دادەبڕێت.
شەوی رابردوو لە یارییەکانی گەڕی 28ـی بۆندسلیگا بایرن میونشن بووە میوانی ئۆگسبورگ و یارییەکەی 3-1 بردەوە.
جەمال موسیالای ئەڵمانی لە خولەکی 42 گۆڵی یەکەمی باڤارییەکانی کرد، بەڵام لە گێمی دووەم و لە خولەکی 52 بەهۆی پێکانێکی سەخت یاریگای جێهێشت.
رۆژنامەنووسی تۆڕی سکای ئەڵمانیا فلۆریان پلێتنبێرگ بڵاویکردووەتەوە، پاش پشکنینە پزیشکییەکانی ئەمڕۆ دەرکەوتووە پێکانەکەی جەمال موسیالا سەختە، ماسوولکەی رانی دڕاوە و بۆ چاکبوونەوە پێویستی بە هەشت هەفتەیە.
بەو هۆیە ئەم وەرزە بۆ ئەستێرە ئەڵمانییەکە کۆتایی هاتووە، بەڵام ئەگەر بایرن میونشن بگاتە یاریی کۆتایی چامپیۆنزلیگ، هیوایەکی کەم هەیە بۆ ئەو یارییە ئامادەبێت.
🚨🛑 Bad news for FC Bayern: We‘ve been told Jamal #Musiala is expected to be out for up to eight weeks!
He has suffered a structural muscle injury (muscle bundle tear) in his thigh.
Musiala is hoping to be back towards the end of the season for a potential Champions League… pic.twitter.com/5SJsXk8Bwk
— Florian Plettenberg (@Plettigoal) April 5, 2025
پێکان بەرۆکی باڤارییەکانی گرتووە و دوای ئالفۆنسۆ دەیڤز، دایۆت ئۆپامیکانۆ، هیرۆکی ئیتۆ، مانوێل نۆیەر، کینگسلی کۆمان، ئالێکساندەر پاڤلۆڤیچ و تاریک بوخمان، جەمال موسیالا هەشتەم یاریزانی بایرن میوشنە بەهۆی پێکان لە یانەکە دابڕاوە.
