دۆرتمۆند بەر لە رووبەڕووبوونەوەی بارسێلۆنا ئەمڕۆ یارییەکی چارەنوسساز ئەنجام دەدات

یاریگا –

دۆرتمۆند پێش یارییە چارەنووسسازەکەی بەرامبەر بارسێلۆنا لە مۆنتجویک، لە دۆخێکی باشدا نییە و لە بۆندسلیگادا شەڕی بەدەستهێنانی پشکی چامپیۆنزلیگی وەرزی داهاتو دەکات.

ئەمڕۆ تیپەکەی نیکۆ کۆڤاچ یارییەکی دەرەوەی یاریگای خۆی بەرامبەر فرایبۆرگ ئەنجام دەدات، یارییەکە راستەوخۆیە بۆ بەدەستهێنانی پشکە لە رکابەرییەکانی ئەوروپا پێش رووبەڕووبوونەوەی گەورە بەرامبەر بارسێلۆنا.

قۆناخی 8 چامپیۆنزلیگ چەند رۆژی داهاتوو دەست پێدەکات، بەڵام پێش ئەوە یارییەکانی پاڵەوانێتییە ناوخۆییەکان دێت. لە کاتێکدا ئەمشەو بارسا میوانداری ریال بیتیس دەکات، بروسیا دۆرتمۆند لە یاریگای خۆی بەرامبەر فرایبۆرگ یاری دەکات. ئەم یارییە کێبڕکێیەکی راستەوخۆیە بۆ چوونە ناو کۆمەڵەی ئەو تیپانەی کە پشکی بەشداری کردنی چامپیۆنزلیگیان هەیە بۆ وەرزی داهاتوو.

هەرچەندە بروسیا دۆرتمۆند ئێستا لە قۆناخی چارەکی کۆتایی چدامپیۆنزلیگدایە، بەڵام بە هیچ شێوەیەک گەرەنتی بەشداری کردنیان لە وەرزی داهاتوودا نییە.

برۆسیا دۆرتمۆند بە کۆکردنەوەی 38 خاڵ لە پلەی دەیەمی ریزبەندی بۆندسلیگادایە. پشکی پاڵاوتنەکانی ئەوروپا بە 42 خاڵ دەبێت، جیاوازیش لەگەڵ پاڵاوتنەکانی چامپیۆنزلیگ 7 خاڵە. بایرن میونشن، پێشەنگی بێ رکابەر، جیاوازی 30 خاڵی لەگەڵ دۆرتمۆند هەیە، هەر لەبەر ئەمە دۆرتمۆند ناتوانێت رکابەری چامپیۆنزلیگ لە ساڵی داهاتوودا بکات و دەبێت هەوڵ بۆ بەدەستهێنانی پشکێکی یۆرۆپالیگ بدات.

بەر لە یارییەکەی ئەمڕۆ ئێوارەیان، نیکۆ کۆڤاچی راهێنەری دۆرتمۆند رایگەیاند:

دەمانەوێت لە فرایبۆرگ سەرکەوتن بەدەستبهێنین. ئەمەش سەبارەت بە سەقامگیری و یەکگرتوویی و متمانەی پێویست بۆ یارییەکانی داهاتوو، لەنێویاندا لە چامپیۆنزلیگ. “ئێمە دەچینە ئەوێ و سەردەکەوین”.

بەرامبەر فرایبۆرگ سەرکەوتن ئەستەمە، هەرچەندە فێلیکس ئینێمکا دەگەڕێتەوە بۆ پێکهاتەی یانەکەی دوای ئەوەی لە مانگی یەکەوە تووشی پێکان ببوو. لەبەرامبەردا دۆرتمۆند هێشتا بێ مارسێل سابیتزە و نیکاس سولێ دەچێتە یاریگا؛ هەروەها شلۆتێربێک و یان کوێتۆ بەهۆی سڕکردنەوە ئامادەنابن.