
یاریگا –
ریال بێتیس ئەکادیمیایەکی گەورە لە هەولێر دەکاتەوە.
پێگەی فەرمی ریال بێتیس بڵاویکردووەتەوە، یانە ئیسپانییەکە لە 1ی یۆلیۆ/تەمووزی داهاتوو، ئەکادیمیاکەی لە هەولێر دەکاتەوە و گرێبستەکەی تاوەکو ساڵی 2028 بەردەوام دەبێت.
ئەکادیمییەکەمان یاریزانی تۆپی پێی 5 تاوەکو 19 ساڵان وەردەگرێت و بنکەی سەرەکی لە پارکی سامی عەبدولڕەحمان دەبێت. بەڕێوەبەرێکی هونەری بۆ هەماهەنگی چالاکییەکانی وەرزشی و پەیوەندی لەگەڵ راهێنەرانی ناوخۆیی دەستبەکار دەبێت.
ساڵانە سێ ئەستێرەی ریال بێتیس بۆ هاندانی یاریزانان و بەرزکردنەوەی ئاستی وەرزشی، سەردانی هەولێر دەکەن.
ریال بێتیس فێرگەی وەرزشی لە 14 شاری جیهان هەیە، پێشتر لە عێراق فێرگەی لە شارەکانی بەغدا، مووسڵ و دهۆک کردووەتەوە.
بێتیس فێرگەی لە شارەکانی جەزائیر، بەغدا، مووسڵ، دهۆک، بولایۆ (زیمبابوێ)، کاراکاس (ڤێنێزوێلا)، چوکێرۆ (چیلی)، مەکسیک، هەراری (زیمبابوێ)، عەمان (ئوردن)، کوێت، مەیامی (ئەمریکا)، تەبووک (سعوودیە) و تیبلیسی (جۆرجیا) هەیە.