یاریگا –
سەرچاوە مەکسیکییەکان ئەگەری پەیوەندیکردنی جولیان لۆپێتێگی بۆ مۆنتێری وەکوو شوێنگرەوەی مارتن دێمیکێلیس بڵاودەکەنەوە.
جولیان لۆپێتیگی کە لە سەرەتای مانگی یەکەوە لە پۆستی راهێنەری وێستهام دوورخرایەوە، بێ یانە مایەوە، ژمارەیەک یانە پەیوەندییان پێوەکرد و دوایینیان ئۆفەریش لەلایەن یانەکەی سێرجیۆ رامۆسەوە بووە.
بەگوێرەی میدیاکانی مەکسیک، راهێنەرە ئیسپانییەکە پاڵێوراوێکی سەرەکییە بۆ جێگرتنەوەی مارتن دێمیکێلیس، ئەمەش مانای ئەوە دەگەیەنێت کە راهێنەرە پێشووەکەی وۆڵڤز لەگەڵ سێرجیۆ رامۆس یەکدەگرێتەوە، کە راهێنەری هەڵبژاردەی ئیسپانیا و هەروەها بۆ ماوەیەکی کورت لە ریال مەدرید راهێنەری بەرگریکارەکە بووە.
جگە لە بەرگریکارە بەئەزموونەکە، لۆپێتیگی لەگەڵ یاریزانانی وەک ئۆلیڤەر تۆرێس و خیسوس کۆرۆناش یەکدەگرێتەوە. ئەو یاریزانانەی لە هەردوو یانەی پۆرتۆ و سێڤیا لەگەڵیاندا کاری کردووە، هەروەها ئامادەبوونیان لە مۆنتێری، دەتوانرێت بە هۆکارە سەرەکییەکانی هاتنی لۆپێتێگی بۆ مەکسیک هەژمار بکرێت.
🧨 La Bomba está cerca de explotar@Carlos_Ponz nos revela el nombre del sucesor de Demichelis.
Rayados tiene todo para traer a un entrenador de alto calibre, que será el mejor pagado de la Liga MX con un sueldo de 5 Millones de Dólares al Año.
👉🏼 Julen Lopetegui 👈🏼 pic.twitter.com/s4GI6WJ3q4
— DIARIO RÉCORD (@record_mexico) April 3, 2025
جگە لە دۆخی وەرزشی، پەیوەندی نێوان راهێنەر و یاریزانەکانیش لە بارودۆخێکی ئاساییدا نییە. بەجۆرێک کە دوێنێ دێمیکێلیس لەگەڵ کاپتنی تیپەکەی سێرجیۆ کانالێسی، تووشی شەڕێکی جەستەیی بوو.
بەڵام خواستی جولیانن لۆپێتیگی ئەوەیە کە لە پرێمەرلیگ بمێنێتەوە و بۆیە یانە مەکسیکییەکە دەبێت بە سەختی هەوڵی رازی کردنی بدات. بەگوێرەی رۆژنامەی ئەبوێلا، ئەگەر ئەو پۆستەی مۆنتێری قبوڵ بکات، ئەوا ئەو راهێنەرە ئیسپانییە دەبێتە خاوەن بەرزترین مووچەی راهێنەری لە خولی مەکسیکی.
ئێستا یانە مەکسیکییەکە بە کۆکردنەوەی 19 خاڵ لە پلەی نۆیەمی خولی مەکسیکدایە و هەروەها لە قۆناغی16ی خولی یانە پاڵەوانەکانی کۆنکاکاف دوورکەوتووەتەوە.
