ئێمباپێ نهێنی نوێ لەبارەی گواستنەوەی بۆ مەدرید و پێرێز دەکات

یاریگا –

کیلیان ئێمباپێ، ئەستێرەی ریال مەدرید بۆ یەکەمجار، هەندێک شتی شاراوە لەبارەی گواستنەوەی لە پاریس سانجێرمانەوە بۆ ریال مەدرید ئاشکرا دەکات.

چیرۆکی ئێمباپێ یەکێکە لە دیارترین چیرۆکەکانی چوار ساڵی رابردوو. مەدرید دووجار بە فەرمی هەوڵی گواستنەوەی ئێمباپێیدا، یەکەمجار کاتێک لە مۆناکۆ بوو، دواتر لە ساڵی 2022 بڕیاری نوێکردنەوەی گرێبەستەکەی لە پاریسدا.

ئێمباپێ دووپاتیدەکاتەوە، سەرەڕای شکستهێنانی دوو هەوڵەکەی مەدرید، فلۆرێنتینۆ پێرێز، سەرۆکی یانە ئیسپانییەکە هەرگیز پەیوەندیی لەگەڵ نەپچڕاند. ئێمباپێ لە لێدوانێکیدا بۆ کەناڵی لا سێکستا دەڵێت

بابەتەکە ئاسان نەبوو، بەڵام بەردەوام پەیوەندییەکی باشم لەگەڵ پێرێز هەبوو. تەنانەت کاتێک بڕیاری مانەوەم لە پاریسدا، بەردەوام لەگەڵمدا بوو. گرنگی بە خۆم و ماڵباتەکەم دەدا و ئەمەش جیاوازی دروستکرد.

زۆر رێزی لێدەگرم و بەردەوام پێی دەڵێم، هەموو شتێک لە پێناو ئەم یانەیە و خۆی دەکەم، تاوەکو هاندەرانی ریال مەدرید شانازی بکە.

کاپتنە فەڕەنسییەکە، لە یەکەم وەرزیدا و تاوەکو ئێستا 33 گۆڵی بۆ مەدرید کردووە، یەکێکە لە دیارترین ئەستێرەکانی کەتیبەکەی کارلۆ ئانچێلۆتی.

ئەمشەو لە بێرنابیۆ، مەدرید رووبەڕووی ڤالێنسیا دەبێتەوە و سێشەممە لە یاریی چوونی قۆناخی هەشتی چامپیۆنزلیگ، رووبەڕووی ئارسیناڵ دەبێتەوە.