
یاریگا –
ئەمڕۆ لە یاریی لووتكەی هەفتەیەكی نوێی لالیگا بارسێلۆنا و ریال بێتیس رووبەرووی یەک دەبنەوە.
وا بڕیارە ئەمڕۆ شەممە كاتژمێر 22:00 بە كاتی كوردستان بارسێلۆنا لە یاریگای مۆنجویک میوانداری ریال بێتیس بكات، لە میانی یارییەكانی گەڕی 30 لالیگای ئیسپانیا.
پڕۆفایلی یاری

بارسێلۆنا لەم وەرزەدا ركابەری سەرجەم نازناوەكان دەكات و لە لالیگای ئیسپانیا لە پێشەنگی ریزبەندی دێت و لە قۆناخی چارەگی كۆتایی چامپیۆنزلیگ دێت و لە یاریی كۆتایی جامی شای ئیسپانیایە.
لەم وەرزەدا لە 29 یاریی 21 یاریی براوە بووە، سێ یاریی یەكسان بووە و پێنج یارییش دۆڕاوە.
بە كۆكردنەوەی 66 خاڵ لە پێشەنگی خولی ئیسپانیا دێت.
لە بەرامبەردا ریال بێتیس وەرزێكی نایاب بەڕێدەكات و بە سەركردایەتی ئانتۆنی و ئیسكۆ حەوت یارییە لەسەر یەك تووشی شكست نەبوون.
لەم وەرزەدا لە 29 یارییدا، سیازدە یاریی براوە بووە، هەشت یاریی یەكسان بووە و هەشت یارییش دۆڕاوە.
بە كۆكردنەوەی 47 خاڵ لە ریزبەندی شەشەمی لالیگا دێت.
هەواڵی پێكانی یاریزانەكان
بارسێلۆنا بە بێ مارك كاسادۆ، دانی ئۆلمۆ، تێر شتیگن، مارك بێرناڵ و كریستێنسن رووبەرووی ریال بێتیس دەبێتەوە.
ریال بێتیس بە بێ ئیسكۆ و زەلزولی رووبەرووی بارسێلۆنا دەبێتەوە.
پێکهاتەی پێشبینیکراوی بارسێلۆنا
چێزنی
كۆندێ، مارتینێز، ئاراوخۆ، بالدێ
دی یۆنگ، گارسیا
فێران، گاڤی، رافینیا
لیڤاندۆڤسكی
پێکهاتەی پێشبینیکراوی ریال بێتیس
ئادریان
سابالی، بارترا، یۆرێنتی، رۆدریگێز
كاردۆسۆ، فۆرنالس
ئانتۆنی، لۆسێلسۆ، خێسوس رۆدریگێز
هێرناندێز