گرنگترینمۆندیالی یانەکان

هەموو شتێک بزانە؛ چۆن لە هەرێمی کوردستان سەیری یارییەکانی مۆندیالی یانەکان بکەین؟

دازن خاوەنی مافی گواستنەوەی یارییەکانی مۆندیالی یانەکانە

Yariga App

یاریگا –

تاوەکو ئێستا هیچ کەناڵێک مافی گواستنەوەی یارییەکانی مۆندیالی یانەکانی لە رۆژهەڵاتی ناوەڕاست نەکڕیوەتەوە.

هەردوو کەناڵی BBC و ITV بەریتانی، لە گفتوگۆکانی گواستنەوەی یارییەکانی مۆندیالی یانەکان کشانەوە و ئێستا تەنیا خزمەتگوزاری ستریمینگی دازن ‘DAZN’ خاوەنی مافی گواستنەوەی یارییەکانە.

رۆژنامەی گاردیان بڵاویکردووەتەوە، دازن دەیەوێت یارییەکانی پاڵەوانیەتییەکە بەگوێرەی دابەشبوونی جوگرافی بفرۆشێتە دامەزراوە گەورەکان، بەڵام لە یەکەم هەوڵیدا لە بەریتانیا سەرکەوتوو نەبوو.

دامەزراوەی بی ئین سپۆرتس، لە 20 ساڵی رابردوودا، بەردەوام مافی گواستنەوەی یاریی پاڵەوانیەتییەکانی گەورەی جیهانی بەدەستهێناوە، بەڵام تاوەکو ئێستا هیچ رێککەوتنێکی لەگەڵ دازن نەکردووە، بەمەش بینینی یارییەکانی پاڵەوانیەتییەکە لە هەرێمی کوردستان روون نییە.

دازن مافی گواستنەوەی یارییەکانی بەنزیکەی یەک ملیار دۆلار کڕیەوە، کە بڕیارە لە ناوەڕاستی یۆنیۆ/حوزەیرانی داهاتوو لە ویلایەتە یەکگرتووەکانی ئەمریکا بەڕێوەبچێت.

بەگوێرەی رێککەوتنی دازن و فیفا، هەر 63 یارییەکە بەخۆڕایی لە ئەپڵیکەیشنی تایبەتی دازنەوە بەردەست دەبێت.

کۆمپانیای وارنەر بڕۆس، مافی گواستنەوەی یارییەکانی لە ویلایەتە یەکگرتووەکان کڕیوەتەوە، بەگوێرەی زانیارییەکانی رۆژنامە بەریتانییەکە بێت، BBC دەرفەتی کڕینەوەی مافی گواستنەوەی یارییەکانی لەدەستدا، چونکە پێویستی بە پڕکردنەوەی خەرجییەکان لەڕێگەی رێکلامی بازرگانی دەبوو، ئەمەش پێچەوانەی رێساکانی دێرینترین دامەزراوەی بەریتانیایە.

ئێستا لە بەریتانیا دازن خەریکی گفتوگۆییە لەگەڵ کەناڵەکانی چەناڵ 4 و چەناڵ 5، بەڵام هیچ شتێک یەکلایینەکراوەتەوە.

بابەتی زیاتر

Back to top button