
یاریگا –
ئەمڕۆ یارییەكانی هەفتەیەكی نوێی پرێمەرلیگ بە یاریی نێوان ئێڤەرتن و ئارسیناڵ دەستپێدەكات.
وا بڕیارە ئەمڕۆ شەممە كاتژمێر 14:30 ئێڤەرتن لە یاریگای گوودیسن پاركی تایبەت بە خۆی میوانداری ئارسیناڵ بكات، لە میانی یارییەكانی گەڕی 31 پرێمەرلیگ.
پڕۆفایلی یاری

ئێڤەرتن پێنج یارییە لەسەر یەک تامی بردنەوەی نەكردووە و دەیانەوێت لە یاریی بەرامبەر ئارسیناڵ بگەڕێنەوە سەر رێگای بردنەوە.
ئێڤەرتن لەم وەرزەدا 30 یاریی كردووە، حەوت یاریی براوە بووە، سیازدە یاریی یەكسان بووە و دە یارییش دۆڕاوە.
بە كۆكردنەوەی 34 خاڵ لە ریزبەندی پازدەی پرێمەرلیگ دێت.
لە بەرامبەردا ئارسیناڵ لە بردنەوەی نازناوی پرێمەرلیگ بێ هیوا بووە و بە جیاوازی دوازدە خاڵ لە دوای لیڤەرپوولی پێشەنگەوەیە.
لەم وەرزەدا لە 30 یارییدا 17 یاریی براور بووە دە یارییش یەكسان بووە و سێ یارییش دۆڕاوە.
بە كۆكردنەوەی 61 خاڵ لە ریزبەندی دووەمی پرێمەرلیگ دێت.
هەواڵی پێكانی یاریزانەكان
ئێڤەرتن بە بێ لیندسترۆم، كالڤێرت لوین ، مانگالا و مەكنێڵ بەرامبەر گەنەرز یاریی دەكات.
لە بەرامبەردا ئارسیناڵ بە بێ كای هاڤێرتز، گابریێل ماگالاش، خێسوس، كالافیۆری و تۆمیاسو یاریی دەكات.
پێکهاتەی پێشبینیکراوی ئێڤەرتن
پیكفۆرد
ئۆبرەین، تاركۆوسكی، برانسوەیت، میكۆڵینكۆ
هاریسۆن، گارنەر، گویێ، دۆكۆری
ئێندیای، بێتۆ
پێکهاتەی پێشبینیکراوی ئارسیناڵ
رایا
پارتی، سالیبا، كیڤیەر، لویس سكێڵی
ئۆدیگارد، جۆرجینێۆ، رایس
نوانێری، ترۆسارد، مێرینۆ