ئاشکرا بوو؛ یانەیەکی گەورەی ئەوروپا دڵنیایی داوە بە ئۆسیمین
یاریگا –
لە ئێستاوە کێبڕکێکان توندتر بوونەوە بۆ گواستنەوەی ڤیکتۆر ئۆسیمین کە چاوەڕوان دەکرێت لە مێرکاتۆی هاوین یەکێک بێت لە یاریزانە بازاڕ گەرمەکان.
ئۆسیمین کە یاریزانی ناپۆلیە و ئێستا بە خواستن گاڵاتەسەرای یارییدەکات، لەگەڵ ئەو یانە تورکیەش بەردەوامە لە پیشاندانی ئاست. هۆکارێکی گەورەی پشت ئەنجامەکانی یانەکەیەتی کە ئێستا پێشەگی خولی ئەو وڵاتەن. لەم وەرزە لە 32 یاریی سەرجەم پاڵەوانێتیەکاندا بە درێسی یانەکەی شاری ئیستەنبوڵ توانیویەتی 28 گۆڵ بکات لەگەڵ 5 ئەسێست.
بەگوێرەی زانیارییەکانی بوچی لابای رۆژنامەنووسی نەیجیری، هێرشبەرە 26 ساڵانەکە لەلاین مانچێستەر یونایدتەوە بۆی روونکراوەتەوە کە ئەو لە بژاردەی یەکەمیانە بۆ گواستنەوەکانی هاوین، بەڵام هێشتا هیچ ئۆفەرێکی فەرمییان پێشکەش نەکردووە.
ئەو رۆژنامەنووسە بەبێ ئەوەی ناوی هیچ یانەیەک بهێنێ، ئەوەشی زانیوە کە یانەیەکی ئیسپانییش هەمان دڵنیایی داوەتە گۆڵکارە ئەفریقیەکە و چەند مانگێکە بە توندی هەوڵی بۆدەدەن.
No official offers but Manchester United made it clear to Victor Osimhen that he’s their first option. Same with one club from Spain. They have been heavily pushing for months now.
– The other clubs mentioned all Enquired. https://t.co/wDqsan2pZg
— Buchi Laba (@Buchi_Laba) April 4, 2025
لە زانیارییەکانی ئەو سەرچاوەوە بەشێک لە پلاتفۆڕمەکانی سۆشیاڵ مێدیای نزیک لە بارسێلۆنا، گوایە ئەو یانە ئیسپانیەی بوچی لابا مەبەستی بووە، بارسێلۆنایە و یاریزانەکە لەلایەن ناپۆلیەوە پێشکەشی کاتالونیەکان کراوە. بەڵام دواتر رۆژنامەنووسەکە بە شێرکردن/بەشکردنی هەواڵەکە هەر لە تویتەری خۆیەوە هاوپێچ لەگەڵ چەندین ستیکەری پێکەنین بۆ بە ناڕاستزانینی زانیاریی پەیجەکەی نزیک لە بارسا، پۆستەکەی بڵاوکردووەتەوە.
Offered 😂🤣😂🤣🤣🤣😂😂🤣🤣🤣😂🤣😂😂🤣🤣🤣🤣😂😂🤣😂🤣😂🤣🤣🤣🤣🤣😂😂🤣😂🤣😂🤣😂🤣🤣🤣🤣🤣😂🤣😂🤣🤣😂🤣😂🤣🤣🤣😂😂🤣😂🤣😂🤣🤣🤣😂🤣😂🤣😂🤣😂🤣😂🤣😂🤣😂😂😂😂🤣😂🤣 https://t.co/SViMN11k8L
— Buchi Laba (@Buchi_Laba) April 4, 2025
