یاریگا –
لە کاتێکی هەستیاردا گورزێکی گەورە بەر بایرن میونشن دەکەوێت و پێکانی یاریزانێکی راگەیەندرا.
لە یاریی شەوی رابردوویاندا لە میانی هەفتەی 28ی بۆندسلیگا کە 3-1 لە ئۆکسبێرگیان بردەوە، جەمال موسیالا بەهۆی پێکانەوە لە خولەکی 54 بەناچاریی گۆڕانکاریی پێکرا تەنانەت بە هاوکاریی ستافی پزیشکی بردرایە دەرەوەی یاریگا.
Jamal Musiala had to be helped off the pitch an apparent hamstring injury during Bayern’s match against Augsburg. pic.twitter.com/lWKCjfPAMn
— ESPN FC (@ESPNFC) April 4, 2025
لە لێدوانێکیدا بۆ پەیامنێری رۆژنامەی بیڵكد لە دوای یارییەکە ماکس ئیبێرلی بەڕێوەبەری وەرزشی باڤارییەکان لەبارەی پێکانی ئەستێرە لاوەکەیانەوە وتی
بەداخەوە پێکانەکەی موسیالا باش نییە.
دەرباری ئەوەی ئایا یارییەکەی سێشەممەی ئەم هەفتەیە بەرامبەر ئینتەر میلان لەدەست دەدات ، ئەو بەڕێوەبەرە بە “بەڵێ” وەڵامی دایەوە.
🚨⚠️ Bayern director Max Eberl: “Jamal Musiala’s injury unfortunately doesn’t look good”.
“Missing Inter game next week? Yes”, told BILD. pic.twitter.com/wRT7OB0YcZ
— Fabrizio Romano (@FabrizioRomano) April 4, 2025
موسیالا کە لەو یارییەشدا ئاستی خۆی نواند و گۆڵێکی تۆمارکرد، یەکێکە لە رەگەزە کاریگەرەکانی ڤینسینت کۆمپانی راهێنە. بەجۆرێک، یاریزانە 22 ساڵییەکە توانیویەتی لە 40 یاریی وەرەزەکەدا 18 گۆڵ و 4 ئەسێست بۆ بایرن بکات.
